الفصل السابع عشر من رواية جراح الروح للكاتبة روز امين

وأقشعرت بوجهها بإشمئزاز مكملة٠٠٠٠ولا مامتها ،،،ياااااي ،،طالعه علينا من المطبخ رابطة شعرها بإيشارب ولابسه جلبية مرضاش أخلي رٌقية تنظف لي البيت بيها !!

نظر لها بإندهاش وتحدث بذهول٠٠٠أمتي وأزاي إتحولتي وبقيتي بالصورة الشنيعة إللي ظاهرة قدامي دي ؟؟

معقوله إنتِ أمي الست المكافحة إللي ضحت علشان أولادها وحرمت نفسها حتي من الاكل الكويس علشان تعلمهم ؟؟

أول ما ربنا يدينا تتكبري وتسخري من خلقه بالطريقه البشعة دي ؟

وأكملَ ٠٠٠وعلي فكرة بقا يا ماما،،،أنا شفت مامت فريدة،،،ست محترمه ومنمقة في لبسها ونظيفه جداً،،حتي كلامها كلام ست واعيه وفاهمه الدنيا كويس جداً،، وأحسن من ناس كتير عاملين فيها سيدات مجتمع وهما جواهم فاضي

ثم حول بصرهِ إلي والده وأردفَ مٌستغربً صمته ٠٠٠حضرتك ساكت ليه يا بابا،،،معقولة حضرتك كنت عارف اللي ماما عملته وسكت وعجبك تصرفها ؟

تنهد قاسم وأردف قائلاً بنفي٠٠٠ طبعاً مكٌنتش أعرف يا سليم،،ولو عرفت كنت أكيد منعتها إنها تعمل كده،،،

واكملَ بنبرة هادئة ٠٠٠بس ده ميمنعش إن أمك من حقها تدافع عنك وتختارلك الأفضل ،،،

يمكن الطريقه اللي إتصرفت بيها كانت غلط،،، لكن الدافع معنديش أي إعتراض عليه ،،،أمك خايفه عليك يا سليم وده حقها

أفحمهُ رد والدهِ البارد وسحق داخله،،،وقف ينظر إليهما بشموخ وأردفَ قائلاً بحسم ٠٠٠ أنا كمان من حقي أدافع عن إختياراتي وأحفظ كرامة البنت إللي بحبها واللي إن شاء الله هتكون مراتي وأم أولادي

ونظر إلي والدتهِ وتحدث بقوة وحزم ٠٠٠قدام حضرتك إختيار من إتنين ملهومش تالت ،،،الأول هو إن حضرتك تيجي معايا بكرة ونروح للست اللي حضرتك أهنتيها في بيتها وتعتذري لها،، وأظن ده أقل شيئ نقدر نعمله علشان نرد ليها إعتبارها

أجابت بقوة ونبرة مٌستفزة قبل أن يٌكمل ٠٠٠علي جٌثتي يا سليم

وأكمل والدهِ معترضاً بحده٠٠٠٠إنت إتجننت يا سليم،،،عاوز أمك تروح تهين نفسها وتعتذر لواحده في بيتها ؟؟

رد سليم بقوة٠٠٠الست اللي حضرتك مستكتر إن أمي تروح تعتذر لها دي ،،أمي بنفسها هي اللي راحت لها نفس البيت ده واهانتها وأهانت بنتها فيه

وأكملَ بحده٠٠٠إحنا بنصحح أوضاع ليس إلا يا قاسم باشا !!