الفصل السابع عشر من رواية جراح الروح للكاتبة روز امين

كادت أمال أن تتحرك داخل غرفتها إلي أن أوقفها صوت سليم الحازم ٠٠٠لو سمحتي يا ماما،،،

إستدارت أمال ونظرت إليه فأكملَ هو بقوة وملامح جامدة٠٠٠بيتهئ لي إحنا محتاجين نتكلم مع بعض شوية !!

نظرت إليه أمال وأردفت بنبرة متهربه ٠٠٠مش شايف إن الوقت متأخر علي الكلام يا باشمهندس ؟؟

أجابها بحده وحديث ذات مغزي٠٠٠بالعكس ،، ده هو ده الوقت المناسب للكلام يا أمي !!

أغمض قاسم عيناه بأسي لعلمهِ ما سيتحدث بهِ إبنه

فنظر إلي ريم وتحدثَ ٠٠٠أدخلي أوضتك إنتِ يا ريم،،،غيري هدومك ونامي،،،

ثم نظر إلي سليم و أمال وتحدث بنبرة جادة٠٠٠٠أتفضلوا نتكلم جوة بدل ما الشغالين يتفرجوا علينا زي المرة اللي فاتت

زفرت أمال بضيق وتحركت للداخل وتحرك خلفها قاسم وسليم وأغلق سليم باب الغرفه وتحدث ٠٠٠٠إتفضلي يا ماما،،أنا سامعك !!

ضحكت بطريقة ساخرة وتحدثت٠٠٠٠٠أتفضل أقول أيه يا سليم،،هو مين فينا اللي طالب يتكلم ؟؟

أجابها بقوة ٠٠٠حضرتك إللي هتتكلمي يا ماما،،،هتقولي لي شفتي فريدة أمتي وأزاي وفين ؟؟

ونظر لها بتدقيق راصداً ردة فعلها

كانت تتهرب من نظراتهِ المتفحصه لها وأردفت بإنكار ٠٠٠٠فريدة مين دي كمان اللي شفتها وأ ٠٠٠

كادت ان تٌكمل لكنهٌ قاطعها بحده ٠٠٠٠شفتي فريدة فين وأمتي يا أمي ؟؟

رمقتهٌ بنظرة حادة وصاحت بنبرة غاضبه ٠٠٠٠روحت لها بيتها ياسليم،،،روحت هددتها هي وأمها وعرفتهم مقامهم ،،،عريتهم قدام نفسهم و وريتهم حجمهم الطبيعي !!

جحظت عيناه من هول ما إستمع إليه وتحدث بذهول٠٠٠هو حضرتك بتتكلمي بجد ؟

يعني إنتِ حقيقي روحتي إقتحمتي علي الناس بيتهم

وأتهكمتي عليهم ؟؟

ضحكت وتحدثت بنبرة ساخرة٠٠٠بيت أيه اللي إقتحمته عليهم يا سليم ،،،

وأكملت بإشمئزاز٠٠٠٠أنا كان نفسي تيجي معايا علشان تشوف المزبله إللي عايشه فيها ست الحسن والجمال بتاعتك هي وأهلها وبيسموة بيت

وأكملت بنبرة جاده٠٠٠تعرف يا سليم،،،أنا كنت شاكه إنها ممكن تكون بتحبك ،،،لكن بعد ما رٌحت أنا وخالتك وشٌفنا عيشتها المؤرفة هي وأهلها،،، إتأكدنا إنها فعلاً طمعانه فيك علشان تنشلها من القرف اللي هي عايشه فيه

ونظرت إلي قاسم الذي يجلس يستمع فقط ولا يُعقب وأكملت بتعالي وغرور٠٠٠٠لو شٌفت المنطقه اللي عايشه فيها يا قاسم،،،، Oh No !!