الفصل الواحد و الثلاثون من رواية جراح الروح للكاتبة روز امين

وأكملَ مفسراً ٠٠٠ إطمنوا ،،ريم فركشت خطوبتها يوم فرح سليم،،

وبدأ يقص عليهما ندالة حسام مع صديقهٌ ولكنهٌ إحتفظَ بسر أمال لحالهِ وذلكَ بناءً علي طلب ريم كي لا ينظرا والدا مراد إلي والدتها نظرة دونيه،، وأحترم مراد رغبتها وأنساقَ إليها

إنتهي مراد من سرد التفاصيل وتحدث صادق بإبتسامة سعيدة ٠٠٠ ألف مبروك يا مراد،،إن شاء الله أول ما يطمنوا علي إبنهم هكلم قاسم الدمنهوري وأخد منه ميعاد ونروح نخطبها

أردفت هناء قائلة بإعتراض وهي تنظر لصغيرها ٠٠٠ خطوبة أيه بس يا صادق،،،هو إحنا لسه هنتكلم في خطوبة،،أنا عاوزة أفرح بإبني وأشوف عياله وأخدهم في حضني

إبتسمَ بسعادة وأخذ والدتهٌ داخل أحضانهٌ برعاية وتحدث ٠٠٠ ربنا يخليكي ليا يا حبيبتي وتشوفي أولادي وتربيهم لي وتجوزيهم بأديكي كمان

☆☆☆☆***

رواية جراح الروح بقلمي روز آمين

داخل منزل غاده

كانت تجلس بصحبة ولداها وتحدثت إلي نجلها مٌحمد الذي أتي من جامعتهِ الموجوده بأسيوط ليلة أمس

فتحدثت هي بسعاده ٠٠٠أديني يا سيدي عملت لك كل الأكل اللي طلبته،، يارب بس تاكل

إبتسم لها مٌحمد وتحدث بإمتنان ٠٠٠ ربنا يخليكي ليا يا ماما

فأردفَ تميم قائلاً بمشاكسة ٠٠٠ يعني حضرتك عامله الأكل ده كله علشان الأستاذ محمد وتميم لا

إبتسمت وأجابته بدعابه ٠٠٠ لا طبعاً ،،أنا عاملة كل ده علشان تميم باشا،،

وأكملت وهي تقف ٠٠٠هقوم أجهز لكم السفرة

صاح الشابان بإعتراض بنفسٍ واحد ٠٠٠ لا يا ماما أستني شويه

نظرت لهما ببلاهه وتسائلت بإستغراب ٠٠٠ هنستني ليه،، ده ميعاد الغدا عدا عليه نص ساعه

لم تكمل جملتها حتي إستمعوا جرس الباب ،، تسابق الشابان إلي فتح الباب مع إستغراب غاده التي إنتفضت وهبت صارخه بسعادة وهي تري زوجها الحبيب يقف أمامها بإبتسامتهِ الخلابه التي تٌأسر قلبها وتسعده

جرت عليه صارخه بسعادة ٠٠٠خاااااالد

إقترب عليها مسرعً وأخذها داخل أحضانه وبدأ يدور بها بسعاده مٌتحدثً من بين أحضانها ٠٠٠وحشتيني يا غاده وحشتيني

خرجت من بين أحضانهِ ووضعت كفي راحتيها تتلمس وجنتاه غير مصدقة لما تراهٌ عيناها وتحدثت بسعاده ٠٠٠ أيه المفاجأه الحلوة دي ؟؟

إبتسم لها بسعاده وقبل راحة يدها وتحدث ٠٠٠ مش أنا قلت لك قبل كده إصبري وهتلاقيني في يوم واقف قدامك وعامل لك مفاجأة