الفصل الواحد و الثلاثون من رواية جراح الروح للكاتبة روز امين

وأكملَ ٠٠٠ خلاص،،خلي دكتور صادق يكلم بابا إنهاردة علشان تشرفونا بكرة بالليل إن شاء الله

تراقص قلبي العاشقين وتبادلا نظرات الهيام تحت نظرات ذلك المسكين ،،التي إستوطنت داخلهُ جراح الروح

☆☆☆☆***

رواية جراح الروح بقلمي روز آمين

كانت تجلس بغرفتها وحيده بعد أن أصبحت منبوذة من الجميع،،تبكي كعادتها ،،فمنذٌ ذلك اليوم ولن تجف دموعها

إستمعت إلي طرقات فوق الباب ،،جففت دموعها سريعً بكبرباء وسمحت للطارق بالدلوف ،،توجهت ريم وجلست بجانبها وتحدثت بصوتٍ هادئ ٠٠٠أنا شفت سليم إنهارده

إنتفضت بجلستها وتسائلت بلهفه ٠٠٠ شفتيه فين يا ريم ؟؟

طب هو كويس وصحته كويسه ؟؟

وأكملت بدموعٍ تقطع نياط القلب ٠٠٠ قولي لي علي مكانه وأنا أروح له وأبوس إيده وأترجاه يرجع البيت تاني

ربتت ريم علي يد والدتها وتحدثت بدموع ٠٠٠وكان ليه كل اللي حصل ده من الأول ده يا ماما،، سليم مكنش يستاهل منك كده أبدآ

بكت أمال وأجابت إبنتها بنبرة نادمه ٠٠٠ شيطاني عماني يا ريم وكنت فاكرة إني بعمل كده لمصلحته ،،أوعي يا بنتي تكوني فاكرة إني تعمدت أذيته،،أنا قولت هينساها ويكمل حياتهٌ مع اللي تستاهله بجد

قاطعتها ريم بحده ٠٠٠ ومين قال لحضرتك إن فريدة ماتستاهلهوش ؟؟

جففت دموعها وأردفت بهدوء ٠٠٠ خلاص يا ريم،، أنا مبقاش عندي مانع إنه يتجوزها،،ولو عاوزني أروح أعتذرلها هي وأهلها في مقابل إنه يرجع لحضني ولبيته تاني أنا موافقه

أجابتها ريم بنبرة لائمة ٠٠٠٠بعد أيه يا ماما،،سليم وفريده إتدمروا وخرجوا من اليوم ده بأسوء ذكري مرت في حياتهم،،واللي أكيد عمرهم ما هينسوها

أنزلت أمال بصرها خجلاً فأكملت ريم بنبرة خجله٠٠٠ ماما،،بابا بيبلغك إن فيه ضيوف جايين لنا بكرة وعاوزك تخرجي وتتابعي مع الشغالين وتحضري كويس للزيارة

ضيقت عيناها بإستغراب وتسائلت وهي تٌجفف دموعها ٠٠٠ ضيوف مين دول ؟؟

إبتسمت ريم وقصت علي والدتها ما حدث

إبتسمت أمال بسعادة وتحدثت بغرور كعادتها ٠٠٠ أيوة كده يا ريم،،أهي هي دي الجوازه اللي طول عمري كنت بتمناهالك،،جوازة تشرف ونسب يضيف لنا ،،ده غير المستوي المادي والنقله الكبيرة اللي هتتنقلي لها

كانت تنظر إليها بقلبٍ حزين وتحدثت بنبره مٌعترضه ٠٠٠ بس أنا حبيت مراد وده السبب الوحيد اللي خلاني وافقت عليه يا ماما،،مش المستوي المادي