الفصل الخامس عشر من رواية جراح الروح للكاتبة روز امين
الفصل الخامس عشر من رواية جراح الروح
وأكملت بنبرة ساخرة ٠٠٠٠٠وأطمني أوي حضرتك،،،،حتي لو كان شيطاني بيوزني إني أحاول أصدق كلامه من جديد،، فصدقيني بعد ما شفت حضراتكم أصبح مجرد التفكير في الموضوع مستحيل بالنسبة لي
وأكملت وهي تٌشير إلي باب الخروج٠٠٠٠وياريت بقا تتفضلوا وكفاية أوي لحد كدة !!!
تحدثت أمال ٠٠٠ياريت تبقي أد كلامك ده وتنفذية فعلاً،،، ساعتها بس صدقيني هحترمك جداً وأبتدي أبص لك نظرة تانيه !!!
قاطعتها فريدة بحده ٠٠٠٠٠وأنا مستغنية عن إحترام سيادتك الجليل وكل اللي محتجاه منكم إنكم تنسوني خالص وتخرجوني من تفكيركم
وتحركت إلي الباب وفتحته بقوة ولكن إرتعبت حين وجدت والدها بوجهها
دلف والدها ونظر إلي السيدتان وأردف بإحترام ٠٠٠٠هو أحنا عندنا ضيوف ؟؟
أجابته عايدة بقوة وهي تنظر إلي أمال بنظرة تحذيرية٠٠٠٠٠دول غلطانين في العنوان وكانوا خارجين حالاً !!
نظرت لها أمال بتفهم وأردفت ٠٠٠٠أحنا أسفين للإزعاج يا مدام
ونظرت إلي شقيقتها وأردفت بهدوء ٠٠٠٠٠يلا بينا يا أماني
أمائت لها أماني بطاعه وخرجا معاً وأغلقت فريدة خلفهما الباب بهدوء،،
ثم نظرت إلي والدتها بعيون مٌتألمة ودلفت إلي غرفتها،، تبعتها نهلة وأغلقت الباب خلفهما
فتسائل فؤاد٠٠٠بناتك مالهم يا عايدة،،ومين الناس دول ؟؟
سحبت بصرها عنه ومالت علي طبق الفاكهه الموضوع فوق المنضدة الصغيرة وأخذت ثمرة موز وبدأت بتقشيرها وتناولها لإلهائة
وأردفت بلامبالاة مصطنعة ٠٠٠٠أنا عارفة يا فؤاد،،إحنا كنا قاعدين في أمان الله ولقينا دول بيخبطوا وبيسألوا عن واحدة ،،،
وأكملت بإلهاء٠٠٠٠٠ده أنا حتي مش فاكرة قالوا إسمها أية،، شكلهم كدة تايهين وغلطانين في العنوان
نظر لها وتسائل بشك٠٠٠٠٠طب ولما هما غلطانين في العنوان مدخلاهم الشقة ليه يا أم البنات ؟؟
تنهدت وأردفت بضيق ٠٠٠٠طلبوا كباية ماية يشربوا،،جري أيه يا فؤاد،، هو تحقيق ولا أيه ؟؟
وأكملت وهي تتحرك لداخل غرفة نومهما٠٠٠٠٠تعالي غير هدومك علي ما أجهزلك الحمام علشان تجهز قبل الشيخ ما يبدأ في خطبة الجمعة وتفوتك !!!
☆☆****☆*****نظرت نهلة إلي فريدة التي وما إن دلفت لداخل الغرفة حتي هبطت دموعها بغزارة وكأنها كانت مٌكبلة وفٌك الأن وثاقها
