الفصل الخامس عشر من رواية جراح الروح للكاتبة روز امين

هٌنا لم تتحمل فريدة إهانة والدتها بهذا الشكل المهين من تلك العقربة التي تبخٌ سٌمها بوجه البشر دون الإكتراس إلي مشاعرهم

وقفت بكل شموخ ورأسٍ مرفوعة وأردفت بنبرة حادة ٠٠٠إعرفي حدودك كويس وياريت تراعي إنك موجودة في بيتنا،، وللأسف ده الشئ الوحيد اللي هيمنعني إني أرد عليكي الرد المناسب إللي يليق بواحدة قليلة الذوق والأخلاق زيك،،،

وأحمدي ربنا إنك وقعتي في وسط ناس محترمين ومتربيين علي إنهم يحترموا الضيف حتي لو كان هو مش مِحترم نفسه ولا مِحترم الناس إللي موجود في بيتهم ،،،بس لحد كدة وكفاية أوي

ثم نظرت إلي أمال وأردفت بنبرة حادة ٠٠٠٠أنا بصراحة مستغربة إزاي جت لكم الجرأة تيجم لحد هنا وتتكلموا الكلام الفارغ دة برغم إنكم عارفين إني مخطوبة ؟؟

إبتسمت أمال بطريقة ساخرة وأردفت ٠٠٠و تفتكري إن ده سبب يمنعك في إنك تسعي وتحاولي تخطفي سليم علشان ينشلك من حالة العدم اللي إنتِ عيشاها إنتِ وأهلك دي ؟؟

وأكملت بإطراء٠٠٠أنا منكرش إنك جميله وكمان ذكية،،،بس تفتكري ده كفاية علشان تنولي شرف لقب حرم سليم قاسم الدمنهوري ؟؟

وأكملت بنبرة تهديدية٠٠٠٠٠فوقي لنفسك قبل متصحي علي صدمة أكبر من صدمتك الأولي،،،

وأكملت بنبرة شامته٠٠٠٠فاكره ،،، لما سابك ورماكي وسافر لألمانيا ؟

صاحت نهلة بها وتحدثت بكبرياء ٠٠٠٠وأهو راجع لها من تاني ندمان وعمال يلف حواليها ويترجاها إنها تسيب خطيبها ويتجوزها ويسفرها معاه ألمانيا،،، وهي اللي بتصدة ومش معبراه،،،

وأكملت نهلة بحده ٠٠٠٠بدل ما أنتِ تاعبه نفسك وجاية لحد هنا تقولي الكلام الفارغ ده لفريدة ،،روحي قولي لإبنك اللي داير يتحايل عليها في كل مناسبه يحترم نفسه ويسيبها في حالها هي وخطيبها

فتحت عايدة فاهها قائلة بعدم إستيعاب٠٠٠٠إبنك مين وسليم مين ده اللي بتتكلموا عنه ؟؟

وتسائلت٠٠٠الست دي بتتكلم عن أيه يا فريدة،،ومين ده اللي سابك وسافر ؟؟

ضحكت أماني وأردفت قائلة بنبرة ساخرة ٠٠٠ يا حراااام،،بنتك يا مدام شكلها إستغفلتك ومقالتلكيش علي سليم إللي أداها قلم عمرها ورماها وسابها وسافر لألمانيا

صرخت بهما فريدة وصاحت بنبرة غاضبة٠٠٠٠٠كفاية أوي لحد كدة وأتفضلوا من غير مطرود،،، وياريت تطمني علي إبنك يا هانم،،،لإن ببساطة إبنك مكنش راجل معايا بالدرجة الكافيه إللي تخليني أفكر إني أسيب راجل بجد زي هشام،، علشان أرجع لواحد عمرة ما كان راجل معايا ،،