الفصل الحادي عشر من رواية ست الحسن للكاتبة امل نصر

حمد الله عالسلامه ياحبيبى .. اتوحشتك جوى ياغالى . ياوليه سيبه شويه ياخد نفسه .. لسه ماشبعتيش احضان فيه سميحه بانفعال : باه .. مش بجالى سنين ماشوفتوش .. الغالى البكرى .. حبيب جلبى ده . عاصم بغيره : والله واتنسيت يا" عاصم " وجاه اللى هاياكل الجو منك بلال وهو بيضحك والفرحه مش سايعاه وبيشدد من حضن والدته انت لسه شوفت حاجه ... دا انا هاروشك الايام الجايه .. ياحبيبتى ياما ياغاليه عاصم بتمثيل : شايف يابوى .. اللى عامل نفسه نازل مخصوص عشانى .. جاى يغيظنى . سالم : عندك حج ياولدى .. وانا اللى كنت فاكره عجل . بعد ماسافر الخليج !! بلال : واعجل ليه يابوى ؟! .. انا هافضل طول عمرى كده . عشان ماكبرش . عاصم : ماهو باين ياواد ابوى .. اللى يشوفك بفتكرك فى العشرين وانت معدى الخمس والتلاتين بلال بضحكه مجلجله : واه يا" عاصم " انتى هاتنبر عليا ولا ايه ؟! سالم : ينبر عليك ليه ياخوى ؟! .. كنت احلى منه ولا احلى منه بلال بتمثيل : واعيه ياما .. ابويا بيلمح لايه .. بيدوس عالجرح .. عشان عاصم طويل وعريض عليا . يرضيكى ياما سميحه ضحكت معاهم كلهم وهى بتتكلم ههه لا ياحبيبى مايرضنيش سالم بتريقه : ياجلب امك ياخوى بلال وهو بيهز دماغه بتأكيد : ايوه جلب امى يابوى دا حجيجى كلهم ضحكوا على هزاروا اللى مابطلوش من ساعة ماوصل وبعدها قلب بلال للجد وهو باصص ل" عاصم " ها ياغالى .. اتعركت مع مين .. عشان انا جاى اخلص عاصم بخضه : تخلص كيف ؟! . هو انا عويل . سالم كمان : انت لساك مجنون .. مين جالك اساسا بالموضوع ؟! . بلال : انا عرفت يابوى وخلاص .. المهم دلوك مين هو اللى سلط عيال ال..... على " عاصم " ؟! سميحه : خبر ايه يابلال ؟! .. واحنا اللى جولنا ربنا هداك لما روحت الخليج . بلال : ما انا ربنا هدينى ياما .. انا عملت حاجه .. انا بس عايز اعرف ابن المركوب . اللى اتجرأ ومس اخويا بسوء .. فيها حاجه دى . ........................... راجح وهو داخل بيت والده الحج " ياسين " اللحجنى يابوى .. بنتتى يابوى ياسين اللى كان بيقرا و بيسبح .. كعادته بعد مايخلص صلاة الفجر . قام مفزوع . مال بنتتك يا" راجح " ؟! راجح وهو بينهت من السرعه اللى وصل بيها بنتى خطفهم العمده يابوى .. عشان انت خاطف عاصم .. زى مابيجولوا . ياسين بتحفز : مين هما اللى بيجولوا ؟! راجح : جماعه اتصلوا بيا جبل الفجر و جالولى انهم خطفوا " نهال " و" بدور " ..حن عليك يابوى .. دولا عيالى . يعنى انا عندى ادفن حى ولا حد يمسهم . ياسين : ومين اللى هايجدر يمسهم اساساً ؟! .. المهم انت اتاكدت من الكلام ده . راجح بصوت ملتاع على بناته : ايوه يابوى .. البت امبارح اتصلت وجالت انهم نازلين البلد فى الجطر .. ولحد دلوك ماوصلوش وبرن عالتلفون بيدينى مغلق .. يبجى حصل يابوى والكلام صح اللى جالهولى واد الفرطوس . ياسين وعينه بترمى شرار ااه يا" هاشم " ال...... هى وصلت كمان للحريم ...دا انا هاشربك المر كاسات كاسات راجح وهو بيرجف : احب على يدك يابوى .. رجع " معتصم " لابوه ... دولا عرضى يابوى ياسين : اصلب طولك ياض .. محدش يجدر يمس عرضك .. والعمده اكتر واحد ..عارف بالعواقب .. لو بس لمسهم . راجح بصوت خارج بصرخه : يابوى اسمعنى .. دا اللى بلغنى جالى جول على بناتك يارحمن يارحيم .. حن عليكم بعدونى انا وبناتى من الحسبه . وان شالله اهج واسيب البلد حتى . شده من دراعه "ياسين" وخده فى حضنه يطبطب عليه هو حاس اوى بلوعة ابنه على بناته .. وراجح كأنه لقاها فرصه وغصب عنه دموعه نزلت على كتف " ياسين " اللى حس بيها وكأنها نار بتحرقه . خلاص اهدى .. كل اللى انت عايزه هايحصل .. وهارجع " معتصم " لابوه وارجعلك انت بنتتك منه . راجح وهو بيمسح دموعه بطرف كمه ارجوك بسرعه يابوى .. انا سايب امهم شايله الطين فى البيت ولولا انى حلفت اليمين عليها لكانت جاتلك صارخه من بيتى . طبطب على كتفه وهو بيحاول يهديه .. وبيفكر فى الواطى .. اللى قدر يعمل احط عمل فى عرف البشر كلها .. مش عرفهم هما بس ................ ............... . بتفتح عنيها لقت المكان غريب عليها .. حاولت تصحصح فى نفسها وتقوم تتاكد .. لقت اختها نايمه جمبها على السرير فى اؤضه غريبه بنقوشها وتصميمها اللى يشبهوا بيوت العز والباشوات القديمه .. حاولت تفتكر ايه اللى جابهم هنا .. اشتغلت تعصر فى مخها . لحد اما افتكرت الراجل الغريب اللى وقفهم هى واختها فجأه وهما داخلين البلد .. يسألهم عن دكتور يعرفوه .. عشان مراته تعبانه ومحتاس بيها .. وهما مندمجين وبيشرحلوه .. عن مكان عياده قريبه .. فجأه حست ايد بتكتم بوقها بمنديل . عينها راحت على اختها لقتها نفس الوضع .. مع اختلاف انها شافت الراجل اللى بيخدر اختها بدور .. يا "بدور" . جومى اصحى شوفى احنا فين !! بدور وهى بتحاول تقوم بالعافيه من هز اختها ايوه يا " نهال " .. صحيت اها صحيت .. ايه ده ؟! . احنا فين ؟! .. وايه واللى جابنا هنا انا وانتى . قالتها " بدور " وهى بتقوم بجزعها من عالسرير وعينها رايحه جايه فى الاؤضه الكبيره . نهال : جومى صحصحى كده خلينا نجوم نشوف مين اللى جابنا هنا وهانطلع ازاى . قامت " نهال " تشوف شباك الاؤضه عشان تفتحه لاقته متمسمر بمسامير عشان مايقدروش يفتاحوه .. بعدها راحت على باب الاؤضه حاولت تجرب وتفتحه بس محاولتها بائت بالفشل ودا لانه كان مقفول بمفتاح .. مالقتش قدامها غير انها تخبط عالباب بقوه وبصوت عالى تنده على حد يرد عليها انتو يالى هنا افتحوا .. ورونى وشكم يا......... انتى ياواكل ناسك انت وهو حد يرد عليا انتوا بينكم اتخبلتوا عشان تخطفوا احفاد الحج " ياسين " افتح يا زفت انت وهو . افتح اما اجولك بدور بخوف : ياعنى احنا مخطوفين يا" نهال " دلوك ..و مخطوفين ليه اساساً ؟! نهال بقوه : ماتخافيش يابت .. وحتى لو خايفه ماتبينيش لحد منيهم انك خايفه .. فاهمه ولا لاه بدور هزت بدماغها توافقها وهى مش عارفه ازاى هاتقدر ماتبينش . وعند الرجاله اللى قاعدين برا الاؤضه بأسلحتهم وبيفطروا .. ماتبس يابت انتى فضيها . قالها واحد فيهم اسمه" عيسى" . وهو قاعد مكانه بيفطر عالسفره القديمه كمل التانى : لسانها حامى جوى البت دى .. بس انت سيبك منها .. تصرخ لبكره حتى .. لما تشوف مين هايسمعها فى الجصر الكبير ده . عيسى : تتخيل من فيهم .. ام عيون خضرا ولا اللى عينها كيف الزتونى كده عبد الناصر : يابوى .. دا الاتنين يحلوا من على حبل المشنجه عيسى باستظراف : اه والله عندك حج . بس لو ماكانش العمده مشدد علينا .. اننا مانجربش منهم ..كنا خدناهم انا وانت و اتجوزناهم . عبد الناصر بسرحان : دا انا كنت ابطل اجرام وابطل حتى الشغل واجعد بس اتأمل فيها . عيسى وهو بينتبه : هو انت اخترت خلاص .. اصحى يا " عبده " .. احنا مصلحتنا انهم يرجعوا سالمين لاهلهم واحنا نعكملنا مبلغ محترم من العمده .. وبعد كده انت هاتجدر تختار على كيفك اللى تتجوزها وتتوبك .. دول الشغل ياحبيبى .. ماشى يابا .. اصحى اصحى قالها وهو بيزغده فى دراعه . عشان يفوقه بتصحيه ليه ؟! .. هو نايم . قالها زميلهم التالت اللى كان داخل يفطر معاهم وقعد بعدها عيسى : ماتشغلش نفسك انت يا "متولى ". دا انا بس بشد عليه عشان عينه ماتغفلش . عبد الناصر : متولى .. مدام انت من البلد وعارف اهلها .. يبجى تعرف جوز البنته اللى زى الجشطه دول صح !. هما بنتت مين فى بلدكم . متولى وقف اكل و باصلهم بتكشيره وهو بيحذرهم اسمع اما اجولك انت وهو .. البنته اللى جوا دول .. اياك حد فيكم يبصلهم حتى .. مش يكلمهم ..انا بحذركم .. انتوا اغراب عن البلد .. فاهمين ولا اجول للعمده يفهمكم . عيسى : فاهمين ياابو عمو انت هاتكبر الموضوع ليه بس؟! ........................................... فتح عليه " حربى " لاقاه نايم واقف وهو مربوط ودماغه نازله وبكف ايده وعلى قفاه واداله القلم ااه قالهابصرخه وهو صاحى مفزوع من الضربه حربى بزعيق : اصحى ... احنا جابينك تنام معتصم وهو هايعط خبر ايه ؟! معاكم عاد .. انتوا كمان مش عايزنى انام ! رائف واللى دخل عالصوت : مش تحمد ربنا ان احنا سايببنك عايش اساساً . معتصم : عايش كيف ؟! وانتوا سايبينى من امبارح مربوط مع الفيران والخنافس وحاجات كتيره .. مش عارف اساميها .حواليا بتمشى .. حرام عليكم . دا انا ضهرى وجعنى من الوجفه وسيابينى جعان من غير وكل . حربى باستغراب : وليك نفس تاكل ياجزين !! رائف ل" حربى " : معلش يا واد عمى خلينا نوكله .. ما احنا كمان مش مستعجلين على موته برضوا . معتصم وهو مرعوب : موت مين ؟! رائف وهو بيضحك وخارج : هههع موتك بابطه .. ثوانى ياجلبى اجيبلك تاكل حربى ضحك هو كمان وهو بيحصل ابن عمه وعينه على " معتصم " اللى وشه انخطف وجاب مية لون . .................................... نهال بعد ما يأست من كتر الخبط والزعيق .. اللى ماجابش اى نتيجه .. تعبت ورجعت تقعد جمب اختها اللى ضمت رجليها واتكورت على نفسها وهى دموعها نازله بخوف من المجهول . نهال بصت لها بعجز .. لاهى قادره تقولها وقفى دموع ولا قادره تطمنها بحاجه . ماعداش كتير بعدها .. لما لاقوا الباب اتفتح .. " بدور " مسحت دموعها بسرعه و" نهال " وقفت بتحفز تشوف اللى داخل . دخل فى البدايه "عيسى" وهو رافع سلا..حه عشان يرهبهم وبعدها دخل " عبد الناصر " وهو بيتكلم بادب الفطور ياعرايس ! نهال : انتوا مين وليه خاطفينا انا واختى ؟!. عيسى : مالكيش دعوه .. انتى ليكى تاكلى وتشربى لحد اما يتفك حبسكم .. انتى والسنيوره اختك وتمشوا بعدها . بدور وهى بتجرا نفسها : بتجولك خاطفينا ليه ؟ رد عليها وخلص . عبد الناصر وهو بيحاول يتكلم بااحترام ما علش يا ابله سامحينا .. احنا مش ها نجدر نجولكم .. بس انتوا اتطمنوا ..احنا مش هانهوب ناحيتكم وهانروحكم سالمين غانمين . عيسى اللى كان مستغرب صاحبه كمل على كلامه وبصوت عالى بس تجعدوا باحترامكم وماتحاولوش تعملوا معانا اى حاجه عفشه . نهال بشده : طب ياللا خد فطارك وغور .. احنا مش عايزين حاجه من خلجتكم عيسى بزعيق : خبر ايه ؟! .. انت شاده حيلك كده علينا . هو احنا غلطنا فيكى ! نهال بعصبيه : وانت تجدر تغلط اساساً .. عشان كنت علمتك الادب ساعتها . وااه يابوى . دا انتى واعره جوى .. سبحان مين يصبرنا عليكى عبد الناصر على نفس الوضع : هو انتى ليه متبجيش عاجله زى اختك اللى عامله زى الجمر دى وساكته . قالها وهو عينه على " بدور " اللى اترعشت من نظرته و" نهال " اتعصبت زياده . اختى مين يا ..... عينك دى لو رفعتها فى اختى او اى واحده فينا هفجعهالك فاهم ولا لأ عيسى وهو بيشد صاحبه بعصبيه . االوكل عنديكم لو عوزتوا تاكلوا ... ياللا انت كمان .. خلينا نطلع .. بدل ما ارتكب جر..يمه ................. ................ من ساعة ماقام من نومته اللى ماكملتش ساعتين من بعد ماوصل البلد وهو بيرن على فونها ونفس النتيجه مغلق مدحت بعصبيه : ماتردى بجى ... وبعدين عاد .. دا انا ماستنيتش دجيجه بعد ماجالى " عاصم " وجيت على طول .. وراكى البلد .. عشان اصالحك .. اروح اخبط عليهم الساعه ٧ الصبح عشان يجولوا عليا اتجن .. يامين يصبرنى الساعتين دول .. ماشى يا" نهال " ماشى . دخلت عليه " نيره " لاقته بيكلم نفسه اسم الله عليك ياخوى .. انت بتكلم نفسك . ومدحت وهو بيرمى عليها المخده وانتى مالك .. يازفته انتى . اتكلم ولا اتنيل . اتفادت " نيره " المخده وهى بتضحك . وانا مالى يابوى .. كلم نفسك على كيفك .. وانت مدام خطبت المجنونه " نهال " هبيجى فيك امل تانى . مدحت وهو بينزل من على فرشته وبيشاور على نفسه بصابع ايده بجى انا .. الدكتور " مدحت " .. على سن ورمح .. على اخر الزمن .. تيجى عيله تافهه زيك وتجولى .. الكلام ده .. دا انت سنتك مش معديه . هى سمعت كده وشافته هايهجم عليها .. جريت وهى بتضحك اللحجنى بابوى .. اخويا " مدحت " .. هايموتنى . خرجت من الاؤضه وهى بتجرى وتضحك وهو بيجرى وراها .. ضحكتها وقفت وهى وقفت مكانها .. ومدحت كذلك لما لاقوا " راضيه " و" عبد الحميد " منظرهم مايطمنش عبد الحميد .. واضع ايديه الاتنين على دماغه وعينه شارده .. وراضيه ايدها على خدها . نيره : فى ايه يابوى ؟! .. مالك ياما . مدحت : ايه اللى حصل يابوى ؟! .. جلجتونى . راضيه : نهال وبدور . حس قلبه هايوقف وصوته خرج منه بالعافيه مالها " نهال " ياما .. هى و" بدور " ؟!!!!. .......................................... جبيصى وهو بيجرى : ياجناب العمده .. ياجناب العمده . هاشم : فى ايه ياض انت مالك ؟! جبيصى : الحج " ياسين " داخل وعايز يشوفك . هاشم اتعدل فى قعدته وهو بيقول : روح ياض خليه يدخل على طول . ياسين وهو داخل فعلا : انا مش هاستنى اذن عشان ادخلك يا " هاشم " . هاشم بنظرة تعبان والفرحه مش سايعاه يااهلا ياحج " ياسين " .. تاَنس وتنور . روح ياض انت دلوك . ياسين وهو واقف بتحفز : دى عامله تعملها ياواطى . هاشم و بكل بجاحه : امال كنت عايزنى اعملك ايه ؟! وانت خاطف ولدى ياسين بحده : وحصلت للحريم كمان يا " ...... هاشم وهو بيحاول يسيطر على اعصابه ياحج " ياسين .. انا مش عاوز اتهور معاك انت راجل كبير وانا برضو من دور عيالك ياسين : عيالى مين ياض .. هو انت خليت فيها كبير ولا صغير .. بجى حصلت للبنته كمان هاشم من بين اسنانه : شوف ياحج " ياسين " بنتت ولدك فى امان ومحدش هاوب ناحيتهم .. المهم دلوك تجيبوا ولدى اسلمكم البنته ياسين بزعيق : ياراجل ياعديم الدم ولدك راجل . واحنا خدناه عشان نجيب حجنا منه . لكن انت بجلة اصلك بتخطف بنته ملهاش ذنب . خلاص بجينا ندخل الحريم فى عاريك الرجاله ولا صح ولدك مش محسوب عالرجاله هاشم بصرخه ناريه : احترم نفسك يا"ياسين ياسين وهو بيحاول يمسك اعصابه ناهيتوا ... روح هات البنته وانا هابعت .. اجيبلك المحروس ولدك . هاشم وهو بيقعد على دكته مستريح : كده بالساهل !! ياسين وهو بيعقد حواجبه بتفكير ياعنى ايه ؟!!! هاشم : ياعنى ياحج " ياسين " . . انا لو خدت ولدى النهارده .. اضمن منين . . انك ماترجعش تعيدها .. انت او عيال ولدك ياسين بانفعال : تجصد ايه يا " هاشم " ؟!!! .. جيب اللى فى عبك .. خلصنى هاشم وهو بيدعى الطيبه : شوف ياحج " ياسين " .. انا مش عايز عداوه بينا وبينكم .. انا عايز نبجى حبايب .. وعشان نبجى حبايب .. يبجى نرجع النسب اللى كان مابينا تانى .. و " معتصم " يتجوز " بدور " ويبجى يادار مادخلك شر . ياسين وعينه مبرقه من الغيظ يعنى انا اجولك العدل بعقابه .. وانت عايزنى اكافئه .. ببت ولدى كمان هاشم : ويكون فى علمك .. المره دى مش هاتبجى خطوبه .. لا دى هاتبجى جواز على طول .. ولو على سنها فاهى مش اول بت تعجد بالسنه واما تكمل سنها القانونى .. نبجى نعجدلها على يد ماذون وهى على ذمة ولدى .. واحنا حبايب ونسايب .. ماهو مش معجول هاتئذوا جوز بتكم .. ولا ايه ؟! .. يا حج " ياسين " . بعد ماسمع كلام والدته عن خطف العمده ل " نهال " و" بدور " مقابل انهم يرجعوا " معتصم " .. ماخرجش منه اى رد فعل ولا نطق بكلمه واحده حتى .. لكن عنيه كانت مبينه حجم النار اللى جواه وصدره اللى كان طالع نازل وصوته وهو بيتنفس بقى مسموع .. لدرجة خلتهم استغربوا سكوته .. دى " نيره " صرخت وعيطت بعدها اما هو سمع كلام والدته كله وبعدها على طول دخل اؤضته و بسرعه غير الترينج اللى كان لابسه وخرج قدامهم وهو لابس جلابيه بلدى . والده بيسألوا : انت رايح فين ؟! .... مردش عليه وهو داخل غرفة نوم والده ووالدته راضيه وهى بتقوم من مكانها مستغربه وااه ... دا داخل الاؤضه هايعمل ايه ؟!. بتعمل ايه عند..... وااه انتى جلبت الاؤضه كلها ليه كده .. بتفتش على ايه فى الدلاب. قالتها " راضيه " لما شافت اؤضه نومها مقلوبه و" "مدحت " مردش عليها بكلمه وهو بيفتش فى دولاب الهدوم بطريقه همجيه .. كررت هى تانى ياولدى رد عليا .. بتدور على ايه فى فى هدوم ابوك . فجأه لاقته وقف تدوير .. لما اظاهر لاقى اللى هو عايزه وهو بيخرجه من الرف الوسطانى صرخت " راضيه " لما شافت اللى فى ايده ودا كان المسد..س المرخص بتاع والده .. جريت عليه تمسكه منه يامرك يا" راضيه " .. هاتضيع نفسك مدحت بنظرات حاده لولدته وهى بيزيح ايدها عنه سيبنى ياما .. بعدى عنى الله يرضى عنك . صرخت بصوتها العالى على جوزها لما مقدرتش تمنعه اللحج ولدك يا "عبد الحميد " ... هايجتل العمده . عبد الحميد قام عالصرخه .. وقدر يمسكه قبل مايقدر يخرج ويهرب منهم رايح فين ؟! ... وايه دا اللى داسه فى جلابيتك ؟!! . مدحت بصوت خشن جدا من شدة انفعاله سيبنى يابوى ... الله يرضى عنك . عبد الحميد وهو ماسك فيه وبقوه : اسيبك عشان تضيع نفسك . راضيه كمان اللى رجعت تمسك فيه مع والده " عبد الحميد" . استهدى بالله ياولدى ... واسمع الكلام مدحت وكأنه وحش بيصارع عشان يفك قيوده ويخرج من قفصه سيبونى اروح افرغ مسد..سى فى صدره .. الواطى عديم الشرف . عبد الحميد : وموته هايفيدنا باايه .. احنا نجيب البنته الاول وبعدين نعمل معاه اللى احنا عايزينه مدحت : خلاص .. اروح احط المسد..س على راسه واخليه يجول على مكانهم . فى بيته .. وسط غفره .. عشان يحبسوك ولا يخلصوا عليك ولا يبجى ليك ديه حتى . مدحت بصرخه خارجه بعذاب : ياعنى اسكت زى الحريم وانا خطيبتى مخطوفه يابوى عبد الحميد : ياولدى انا عاذرك .. وحاسس بيك .. بس احنا لازم نشغل عجلنا الاول .. دا شيطان وعرف يلوى دراعنا .. يبجى احنا ماينفعش نتغاشم معاه . كملت "راضيه " تهدى فيه : اسمع كلام ابوك ياحبيبى .. اصبر شويه .. جدك مش هايسكت . واكيد فى صرفه حن عليك ياخوى .. اسمع كلامهم .. اكيد فى حل . قالتها " نيره " بصوت مقطع وهى بتترعش وتبكى .. بحرقه ودموع عزيزه . ........................... رسيتوا على ايه ؟! قالتها " انتصار " .. اللى ماصدقت ان " ياسين" خرج .. عشان تعرف من جوزها اللى حصل . هاشم بانبساط وغرور : تفتكرى ايه !!! انتصار وهى بتقعد على الدكه جمبه شكلك مبسوط !! .. ماتجولى وريحنى بالمره . هاشم : يامره ماتبجيش غبيه .. ولدك هايجيلك . وهاجوزه المحروسه اللى هايموت عليها كمان . عايزه ايه تانى . انتصار : وانت تضمن " ياسين " وحركاته .. ولا عيال عياله هاشم : حركات ايه ؟! .. دى انا شرطت انهم ماهايشفوش البنته غير فى بيتى وساعة كتب كتاب بتهم على ولدى و بيد المحامى بتاعنا ... يبجى فيه حركات تانى . انتصار : مايمكن يعتروا على مكان البنته .. وساعتها تتجلب فوج راسنا هاشم بضحكه عاليه : يعتروا كيف .. دا جاعدين فى حته الدبان الازرج مايعرفهاش . انتصار باستغراب : ليه انتى مواديهم فين . هاشم وهو بيرفع حواجبه : مش لازم اجولك .. بس انتى حطى فى بطنك بطيخه صيفى من ناحية مطرحهم . طب ووالدى .. انا عايزاه يبات فى حضنى مش جادره استنى تانى على بعاده عنى . هاشم بزهق : يامره ولدك راجل .. الهم عالبنته .. يعنى هما نارهم اشد منك باضعاف . دول عرض . انتصار : يعنى ايه ؟! هاشم : يعنى اتجلى وانتى تلاجيهم جايين زاحفين . ............................... دخل متولى القصر لقى " عيسى " و" عبد الناصر " قاعدين وبيشربوا سجاير ملفوفه .. عينه برقت من الخضه ايه اللى انتوا بتشربوه ده يازفت انت وهو .. هى كانت ناجصه مصاطيل كمان . ضحك " عيسى " وهو بيخرج نفس كبير من سيجارته . مساطيل كيف ياعم انت ! .. دا حاجه كده خفافى متولى كان هايشد فى شعره منهم هو دا كمان فيه خفافى .. الله يخرب بيوتكم هاتودونا فى داهيه عبد الناصر : خبر ايه ياعم " متولى " شادد حيلك علينا اكده .. الحاجات دى احنا متعاودين عليها .. ياعنى ماعدتش تأثر فينا .. دى بجيت كيف كوباية الشاى كده بالنسبالنا متولى بغيظ : كوباية الشاى !! .. نهايتو .. مين فيكم اللى هاينزل البلد يجيب وكل وتومين .. الوكل اللى فى المطبخ جوا .. مايكديش غدا حتى للرجاله اللى واجفه بره دى . عيسى ل" عبد الناصر " . روح انت . عبد الناصر : انا ماريحش فى حته .. انت عارفنى .. خلجى ضيج ..وممكن اشبط فى حد واتعرك معاه عيسى بضيقه : روح انت يا" متولى " . متولى : بجولكم ايه .. انا العمده منبه عليا .. ماسيبش مطرحى .. انتو مهما كان برضوا اغراب . عيسى وهو بيقوم وينفض جلابيته ياعنى خلاص لبست فيا انا .. جاكم الطين انتوا الاتنين . ................................... ياسين كان قاعد على كنبته فارد ضهره .. وايده على عصايته ..عينه فى الفراغ وشارد فى اللى حصل .. هو كان عارف من الاول ان هاشم هايعمل مصيبه عشان ينجى بيها ابنه .. وهو دا اللى كان عايزه عشان يوقعوا فى شر اعماله ويدفعوا التمن مع " معتصم " .. لكن توصل الدنائه بأنه يخطف البنات وكمان عايزه يجبرهم على جوازة ابنه بذرة الشر ببنتهم كمان .. دا اللى لايمكن يحصل ولو على طلوع روحه .. لكن البنات يجيبهم ازاى .. ازاى يتصرف فى المصيبه دى ..ازاى ازاى . عملت ايه يابوى ؟! . دا كان " راجح " اللى داخل ومعاه " محسن " ياسين بعد ما انتبه لهم : اجعد الاول انت واخوك . محسن بعد ماقعد هو و " راجح " اللى قاعد على نار انا كنت عايز اتصل ب" حربى " . عشان اجولوا يجيب الواد ازفت ده . ياسين بتحذير : اوعى يا" محسن " . راجح بقلق : يوعى ليه يابوى ؟! .. امال احنا هانرجع البنته ازاى من غيره سكت شويه قبل مايتكلم انا بعتلكم كلكم ليه ماجاش " عبد الحميد و " سالم " هو مانزلش البلد لسه . محسن : عبد الحميد اتشندل شويه مع ولده " مدحت " اللى كان عايز يروح للعمده يخلص عليه و " سالم " زمانه على وصول .. اصل " عاصم " اتكتبله النهارده بخروج من المستشفى وهايكمل علاج فى البيت . ياسين بصوت واطى لنفسه يعنى " مدحت " و" عاصم " النهارده فى البلد .. عشان تكمل راجح اللى قلقان بشده : يابوى ماترد عليا .. عملت ايه مع الزفت العمده وامتى هايجيب البنته ياسين وهو بيسحب نفس طويل ويخرجه تانى هاجولك يا " راجح " هاجولك . .................................... نهال وهى رايحه جايه فى الاؤضه بعصبيه يعنى وبعدين هانفضل كده .. مش عارفين ولاد ال.....دول خاطفينا ليه وحابسينا بدور : انا خايفه جوى يا" نهال " .. الرجاله اللى بره دول .. شكلهم عفش ويخوف . نهال بصوت مشدود : جولتلك ماتخافيش من حد فيهم .. ماتخليش حد يحس بخوفك .. الناس دى مالهاش اللى يخاف منيها . . دول مجرمين وشكلهم اغراب عن البلد كمان . بدور : عندك حج .. انا عمرى ماشوفت حد منيهم .. فى نواحينا نهائى .. بس دول يعرفونا منين ؟! .. ومين اللى سلطهم علينا . نهال وهى بتفرك فى ايديها بعصبيه مش عارفه .. مش عارفه .. احنا لازم نحاول ومانيأسش .. انا جاتنى فكره استنى قلت جملتها الاخيره وبعدها راحت على الباب تخبط وتزعق : انت يازفت انت وهو ... انتو ياحوش ياللى خاطفينا .. حد يرد عليا ... حد ير...... اتفتح الباب فجأه وطل قدامهم " عبد الناصر " . ايه فى ايه ؟! .. عماله تصرخى كده الدنيا خربت . نهال : ايوه الدنيا خربت ... عشان انا عايزه اتوضى واصلى .. والحمام اللى فى الاؤضه سباكته بايظه . عبد الناصر : ويعنى انتى لازم تصلى .. نهال بصوت عالى : انتو ملتكم ايه ؟! ... عايزنى افوت عليا فرضى كمان ... دا انتوا .. قاطعها وهو بيشاورلها بايده بكف : بسسسس ... خبر ايه ؟! ... ماسوره واتفتحت ... تعالى ورايا و ادخلى الحمام اللى بره ... بس ماتعمليش اى حركة عفشه .. و لا تبجى انتى الخسرانه .. انتى ماتعرفيش انتى جاعده فين ؟! ... ومع مين؟!.... فاهمه . نهال وهى بتكتم غيظها : ماشى ... بس اختى هاتطلع معايا .. انا ماهسيبهاش فى الاؤضه لوحدها . قالتها لما لاقت عينه اللى رايحه جايه على اختها وهو بدورو رد عليها وليه ان شاء الله بجى .. عيله صغيره واختك هاتحرسك . بجولك ايه ماتتريجش ... اختى هتاجى معايا .. يعنى هتاجى معايا . خلاص ياستى ... اتمشى جدامى .. انتى وهى خلصونى .......................... خرجت من الاؤضه هى و" بدور " وبقت تدور بعنيها يمين وشمال على منفذ . استغربت قوى لما ظهر لها المكان وطلع انه قصر حقيقى من اثاثه وديكوراتوا القديمه .. زى ما استنتجت من شكل اؤضة النوم اللى كانوا موجودين فيها . لكن دى عمرها .. ماشافت قصر قديم كده فى بلدهم .هما جابوهم فين بالظبط استنى عندك .. الحمام جدامك اها .. خلصينا . فتحت باب الحمام تدخل وهى بتشدد على" بدور ". توجفى هنا عالباب ماتتحركيش ..فى اى حته فاهمه هزت بدامغاها توافقها وفعلا وقفت مكانها جمب الباب تستناها وهى بتحاول تجمد قلبها قدام البنى ادم الغريب ده اللى عينه مانزلتش من عليها وفى الداخل " نهال " حاولت تدور على شباك او فتحه ..تنفع مخرج .. لكن للاسف جالها احباط شديد لما لاقت ان مافيش شباك والفتحه صغيره جدا وتقريبا .. قريبه من السقف . كان هاين عليها تعيط ..لما حست انها كانت تنفع فرصه للهرب خصوصاً لما لاقته لوحده من غير صاحبه . سلمت امرها لله وراحت تتوضى عشان تصلى وربنا يفك كربهم وعند " بدور "اللى كانت بتغلى من جواها من البنى ادم السمج اللى واقف قدامه متنح بغباء .٠ عبد الناصر بهيام : لكن انتى عنيكى لونها ايه بالظبط . بدور باستغراب : نعم !!! ناصر : اصلى يعنى امبارح كنت فاكرها خضره لكن دلوك انا لا عارفها زرجه ولا خضره ولا ايه بالظبط .. ماتجولى هى لونها ايه ؟!. بدور وهى بتحاول تنفذ كلام اختها وبصوت جرئ وانت مالك زرجه ولا خضره ولا حمره حتى ؟!.. انت هاتصورنى ناصر بابتسامة ديب : وااه .. دا انا انت كمان جريئه .. طب مدام كده اجرب انا اشوفها بنفسى فجأه لاقته واقف قصادها اترعبت من هيئته فطلع صوتها بيرتعش بعد عنى ياجدع انت ... بعد عنى . ودا بكل صفاقه مد ايده يرفع وشها وهو بيبلع ريقه ورينى بس اشوفهم زين . بايديها الاتنين بقت تضرب فيه وهى بتصرخ شيل يدك عنى ياحيوان . فى الوقت ده " نهال " اول ما حست بالصوت .. خرجت على طول تشوف الوضع و من غير ماتدرى هجمت عليه تضرب فيه بعزمها وهى بتشتم فيه ياعديم الشرف يابن ال...... يا..... اللتفت لها يبعدها بايده وهى تشتم وتضرب فيه و" بدور" تصرخ وتضرب معاها وهو يحوش بايده ويضرب وهو بيزعق يابت انتى بعدى عنى بدل مااموتك مكانك انت ليك عين تكلمنا ياواطى يا..... فبقت عاركه بين التلاته وعلى الصراخ والاصوات العاليه دخل "متولى "اللى كان واقف مع الرجاله اللى بتحرس القصر من بره.. وهو بيجرى فلقى الوضع ده . وبصوت مرعوب : الله يخرب بيت ابوك .. هاتودينا فى داهيه ياحشاش يابن ال......... وبزهرية ورد قديمه شالها من مكانها ... هجم يخبطه بيها على راسه وبشده . اترمى عبد الناصر " فى الارض وهو سايح فى دمه بدور بصرخه : يامرارى .. دا مات ولا ايه . الف شكر ليك يااخينا يا........ دا كان رد " نهال " اللى اتبسطت وهى بتشكر " متولى " لكن الكلام وقف على لسانها لما عرفته انت اللى وجفتنا امبارح تسألنا عن عيادة دكتور عشان مرتك المريضه . متولى وهو عينه فى الارض : معلش بجى للضروره احكام نهال : على فكره انا من امبارح باعصر فى مخى افتكر شوفتك فين و حمدلله .. دلوكت حالا افتكرت .. انت شغال غفير عند العمده صح مردش عليها وهو عينه فى الارض وهى كملت يعنى دى جزاة المعروف .. انت مين اللى مسلطك علينا .. وليه ؟ متولى : حن عليكم .. ادخلوا جوا .. انا بنفذ وبس بدور : بتنفذ ايه ؟ ... ترضاها لبتك واحد غريب يمد يده عليها . متولى : يابت الناس .. ارضاها كيف وانا اللى نجدتكم دلوك .. والعينه جدامك اها قالها وهو بيشاور على" عبد الناصر " المرمى فى الارض وكانه جث..ه نهال : طب انا مش ها سألك انت تبع مين وعايز ايه ؟! بس انا هافكرك اننا عرفناك يعنى لو عملت معانا دجت نجص هاتوصل لاهالينا بعد كده ولو عملت معانا معروف برضوا هايوصل لاهلنا .. بس شوف الفرق ساعتها متولى بعد مافهمها لا يا بت الناس .. ماجدرش اهربكم .. انتو ماتعرفوش انتوا جاعدين فين ولا مع مين وانا عندى عيال وعايز اربيهم فاميرضكيش ازيتى نهال : طب ماتهربناش .. بس عالاجل خلينا نتصل باامى .. اللى زمانها راجده عيانه عشانا . متولى : وبعدين بجى الواد زميل الجزين ده زمانه على وصول .. حن عليكم ادخلوا اؤضتكم وخلصونى نهال وهى بتتكلم بشده : ماشى بس خليك فاكرها . ............................ ياسين اصر انه مايتكلمش الا ووالده الاربعه موجودين محسن وعبد الحميد اللى وصل وهو ساحب فى ايده " مدحت " مغصوب و"سالم " اللى ماصدق وصل ابنه " عاصم " البيت .. ووصل عندهم بسرعه مع ابنه " بلال " و" راجح " اللى بعد ماسمع من والده شروط العمده .. نظر لوالده بلوم عاجبك كده يابوى اللى حصل ؟! .. جيبت حج " عاصم " دلوك . محسن : استهدى بالله يا " راجح " . ابوك ماغلطتش راجح : لا غلط لما اتحدى العمده .. وانتوا عارفينه .. شرانى . وزى التعبان .. يعنوا انتوا تعملوا اللى على كيفكم مع العمده .. وانا وبناتى ندفع التمن سالم : ياواد ابوى .. استنى بس نفكر راجح .. افكر فى ايه بس .. اجوز بتى غصبن عنها .. دا يرضى مين بس ياناس . ياسين بصدمه : يعنى تجصد ان انا السبب فى كل النصايب دى يا " راجح " . الله يسامحك ياولدى سالم : هو مايجصدتش يابوى . بس دى نصيبه كبيره وانا مش لا جيلها حل مدحت اللى كان ساكت القعده كلها : بس انا عارف الحل .. اروح اموته واريح البشريه منه بلال : ماتروحش لوحدك احنا نلم شباب العيله كلها ونعملها حرب مع العمده وناسه لو مارجعش البنته . واحنا عيلتنا كبيره راجح : وبناتى ياناس انا عايز بناتى مدحت طلع مسد..سه وهو بيكلم " بلال " : ياللا بينا يابلال .. انا مبجاش راجل .. لو مارجعتش مرتى راجح بصرخه فوضوها .. انا هاجوز بتى لواد العمده واخلص بدل المرار ده . ......................... بعد مافقدت الامل منه وكانت خلاص راجعه الاؤضه مع " بدور " لاقته فجأه بيوقفهم واحده فيكم بس اللى هاتتكلم ويدوبك دجيجه . قالها " متولى " بعد مادورها فى دماغه ولقى ان العمده ماحدش هايقدر يمسه وهو اللى هايشيل الليله بعد الحج " ياسين " مايعرف انه كان من ضمن الخاطفين . متولى وهو بيطلع الفون من جلابيته : التلفون اها .. بس بسرعه كلميها نهال ماصدقت تمسكه فرحانه .. بس فجأه افتكرت حاجه .. فحبت تجرب ..وهى بتدعى جواها بس انا مش فاكره نمرة امى ... الله يخليك ادينى تلفونى النمره مسجله فيه .. هاكلمها دجيجه زى ماجولت وبسرعه . بدور استغربت اختها لكن ماحبتش تبين ل" متولى " اللى اتعصب : كمان عايز تلفونك .. بابت الناس متأذنيش نهال برجاء : ربنا يسترها معاك .. ادينى التليفون .. اتصل باامى اطمن عليها واطمنها عليا .. ارجوك دى امى