الفصل العشرون من رواية عشق لم يسطو بعد بقلم زكية محمد
الفصل العشرون عشق لم يسطو بعد
قطبت حاجبيها بدهشة قائلة:- أقوم معاك فين؟
هتف بإبتسامة :- هخليكي تفرفشي قومي يلا هنروح الملاهي وهنقضي اليوم كله لعب.
هتفت بضيق:- ليه شايفني عيلة؟
ضحك بخفوت قائلا:- أيوة عيلة وأنا باباكي يلا بقي يا بت.
هتفت بغيظ:- مش عاوزة أروح حتة معاك.
حملها علي حين غرة قائلا :- لا يا ماما الكلام دة ميتقالش ليا أنا مش هتروحي بمزاجك يبقي غصب عنك.
أخذت تضرب بقدميها في الهواء قائلة بتذمر:- نزلني يا حمزة وبطل لعب العيال دة.
هتف بغضب:- يا بت عيب أنا أكبر منك ومش هسيبك هتروحي يعني هتروحي.
هتفت بضجر:- يا حمزة بقي. .
هتف بضحك :- بقي إيه؟ طيب إيه رأيك لو مجتيش معايا هوقعك.
ثم تظاهر بإنه سيلقيها أرضا فصرخت وتشبثت بعنقه قائلة :- لا لا يا حمزة خلاص خلاص هاجي.
ضحك بإنتصار قائلا :- ناس تخاف متختشيش. يلا بينا.
ثم رفع بصره تجاه رحمة قائلا :- الاخت رحمة مالهاش نفس تيجي معانا؟
هتفت بإمتعاض :- لا يا أخويا مش عاوزة أروح مع حد.
هتف بمزاح:- هتندمي فكري تاني.
هتفت بغيظ:- ورايا شغل مش فاضية للعب العيال.
هتف بغيظ:- ماشي يا رحمة الصبر حلو.
قال ذلك ثم توجه للخروج فهتفت همس بتذمر :- إيه رايح فين نزلني. .
هتف بمرح :- لا سمو الأميرة هتفضل متشالة كدة لحد تحت.
أردفت بصدمة :- إنت بتهزر! نزلني بقولك.
خرج من المكتب وأخذ يسير في الطرقة وصولا للمصعد هاتفا :- لا يعني لا وافصلي شوية علشان مش هتراجع عن قراري.
نفخت أوداجها بغيظ ورأت أن تصمت أفضل فهي تعلم أن الجدال معه الآن سيؤدي إلي طريق مسدود. بينما هو كتم ضحكه علي هيئتها ودلف للمصعد وفي غضون ثوان كان بالدور الأرضي ثم خرج من الشركة وهو غير عابئ بنظرات البعض اما هي خجلت وأخفت وجهها في صدره حتي وصلا للسيارة فهتف بمرح وهو يسندها أرضا :- معلش سمو الأميرة تنزل هنا لحد ما أفتحلها الباب.
وبالفعل فتح لها باب السيارة الخلفي وصعدت بينما توجه لمكانه بالأمام وقاد السيارة الي وجهتهم.
كانت تبتسم بداخلها من محاولات شقيقها في إسعادها لكي ينال مسامحتها، لا تنكر أن ما فعله ألمها وبشدة ولكنها إلتمست العذر له فهو بالنهاية شقيقها الذي لم تري منه سوي الحب والحنان. (بقلم زكية محمد )
وتساءلت ماذا عن ذلك القاسي لم لا لم تسامحه فهو أخطأ مثل حمزة ولكنه فعل الكثير فلقد أهانها مرات عديدة لا لن تسامحه بسهولة وتمر له الأمر مرور الكرام فيجب أن تثأر لنفسها منه.
