الفصل العاشر من رواية ست الحسن للكاتبة امل نصر

انتصار على نفس الوضع : امممم وهايعرفوا .. يجيبولى ولدى من ” ياسين ”

هاشم بثقه : هايعرفوا .. دول مش غفر حكومه .. دول ولاد ليل يعنى يعرفوا العفريت مخبى عيله فين …. استنى ارد على واحد فيهم بيرن عالتلفون

هاشم وهو بيرد عالفون : الو …

الطرف التانى : ….. ..

هاشم : يعنى مش لاجيله اثر خالص

الطرف التانى : …. …..

هاشم وهو بيتعدل ويبرق عنيه : هاتهم … ايوه هاتهم وملكش دعوه

انتصار وهى بتسأله بعد ما قفل الفون : هما مين اللى يجيبهم ؟!!!!

…………………………..

راجح كان فى عز نومته لما فضل يرن الفون بتاعه .. ويكرر الرنه لحد اما صحى” راجح ” مضطر يمسكه ويشوف المتصل

راجح بصوت نعسان : الو مين معايا ؟

الطرف التانى : ايوه يا ” راجح ” اصحى معايا كده وافهم اللى بجوله

راجح مستغرب : انت مين يالى بتكلمنى كده فى الساعه دى

الطرف التانى : انا من طرف العمده اللى بيجولك توصل الرساله دى لابوك . ان ماكنش يرجع ” معتصم ” سالم غانم لابوه .. يبجى جول على بنتتك انت الدكتوره واختها يارحمن يارحيم .