الفصل الخامس و العشرون من رواية جراح الروح للكاتبة روز امين

هزت رأسها نافيه وأردفت قائلة بإعتراض ٠٠٠ لا طبعاً يا سليم،،أنا لا يمكن أوافق علي حاجه زي كدة ،،دي فلوسك وتمن غربتك

نظر لها وأجابها بعيون مغيمة بلمعه تكاد تكون عَبرة تٌريد من يٌفسح لها الطريق لتنطلق للخروج،،لكن كبريائه يمنعها ويترجاها لتأبي النزول ٠٠٠ ثمن الغربة إتقاسمناه مع بعض ودفعناه من وجع قلوبنا ومرارة أيامنا يا فريدة،،

وأكملَ بنبرة رجلً عاشق عادل ٠٠٠ وزي ما أتقاسمنا مرارتها يبقي من العدل إننا نتقاسم جني ثمارها هي كمان

الفيلا دي أقل تعويض ممكن أقدمهٌ لك وأعبرلك بيه عن شدة أسفي

كادت أن تعترض أسكتها برجاءٍ من عيناه وأكملَ ٠٠٠ أنا مش بقولك كده علشان أخد رأيك علي فكرة ،،أنا مقرر ومفيش قوة هتخليني أتراجع عن قراري ده ،،أنا ببلغك علشان متتفاجئيش وإحنا بنمضي العقد وتعترضي،،وكمان علشان تبلغي عمي

نظرت لهْ بعيون تملؤها عبرات دموع السعادة وتحدثت بحب ٠٠٠ بس ده كتير أوي يا سليم،،الفيلا تمنها غالي جداً

إبتسم لها بعيون محبه وأردفَ قائلاً بنبرة عاشقة ٠٠٠ الدنيا كلها قليلة عليكِ يا حبيبي،،إنتِ غالية أوي،،،أوي يا فريدة

إبتسمت بحب وأجابته ٠٠٠ ربنا يخليك ليا يا سليم

أجابها بعيون هائمة في بحر عيناها ٠٠٠ قد أية بعشق إسمي وهو خارج من بين شفايفك يا حبيبي

إبتسمت خجلاً وعشقً وأكملا سهرتهما بين نظرات العشقٍ والهيام والإبتسامات الساحرة

☆☆☆☆***

رواية جراح الروح بقلمي روز آمين

بعد يومان

إصطحب سليم فريدة وعائلتها إلي الكمبوند وذلكَ بعدما إكتتبَ عقد تلك الوحدة وسجلهٌ بإسم فريدته تحت سعادة فؤاد لتقدير سليم لإبنتهْ،، وتخوف عايدة من أن تظن أمال بهما السوء

وقفَ سليم بسيارته أمام الفيلا وترجل منها هو وفؤاد وأسامه

صفت فريدة سيارتها وترجلت منها هي وعايدة ونهلة

دلف أسامة سريعً لداخل الفيلا بسعادة ينظر إلي الحديقة الواسعة بذهول وجري إلي حمام السباحة الموضوع وسط الحديقة ووقفَ ينظر إليه بذهول

وتحدثَ بفرحة ٠٠٠ حلو أوي حمام السباحة يا باشمهندس

إقتربَ عليه سليم ووضع يده فوق كتفه بحنان وتحدثَ بإبتسامة ٠٠٠ عجبك يا أسامة ؟؟

أوي ٠٠٠قالها الفتي بإنبهار

تحدثَ سليم بحنان ٠٠٠ خلاص،،إعتبر المكان مكانك من إنهاردة ،،وأنا هبلغ الحرس إن وقت ما تيجي يفتحو لك المكان،،وإنتَ في أي وقت تحب تعالي وعوم فيه براحتك