الفصل الرابع عشر من رواية ست الحسن الجزء الثاني للكاتبة امل نصر

الوو …….ازيك ياراجل انت جاعد فين ؟

……………………

هرش بأبهامه وهو بيستمع قبل مايرد عليه بصوت واطى :

خلى الكلام دا بعدين لما اشوفك .. الكلام دا ماينفعش فى التلفون ..

……………………

انا جاعد دلوك فى بيتك عشان اقابل عروستى وحماتى مكسوفة ماتقعدنى وانت مش موجود.

…………………..

طب خد كلمها انت بنفسك بجى عشان هى تطمن .

مسكت ” نجلاء ” الفون ترد على جوزها بعد ما عطاهولها ” معتصم ” .. عيونها برقت بصدمة لما سمعته بيوافق على قعاده بسهولة وهو مش موجود .. ماتحملتش تكمل معاه فعطت الفون ل” معتصم “وهى بتشاور بايدها عشان يقعد فى الصالون .

اتفضل يابنى اتفضل .. ابوها مرحب وبيقول انه واثق فيك وفى اخلاقك ..

شدت على الاَخيرة رغم انها جملة من دماغها وجوزها ماقلهاش اساساً ! فتابعت بشده اكبر لبنتها :

وانتى غورى غيرى هدومك .

عوجت شفتها على ناحية واحدة بنظرة مزدرية ل” معتصم ” :

قولتلك مش هاغير .. هو انا رايحة مشوار ولا هقابل الرئيس مثلاً .

اتمخترت بخطواتها تقعد قبال ” معتصم ” بتكبر وهو عينه متابعاها لحد اما قعدت .. وبابتسامة ماكره.

خليها براحتها ياحماتى ما انا مش غريب برضوا زى ماهى قالت !

امل.نصر

بنت الجنوب