الفصل السابع من رواية سند الكبير للكاتبة شيماء سعيد

نظر للناس من حوله ثم عاد بنظره لها، ربما سمع ما تفوهت به بشكل خطأ أو تخيل ذلك من شدة عنادها؛ لذلك عاد جملتها مرة أخرى بنبرة هادئة أشبه بسكون الليل المرعب : _ مش موافقة؟!. توترت من نبرته، نظراته، قبضة يده على بعضها كل هذا قدر على بث الرعب بداخلها بكل سهولة، حركت رأسها مردفة بالكثير من التردد : _ لأ طبعاً موافقة بس أقصد يعني مينفعش الاستعجال ده أنا مش جاهزة للجواز في الوقت ده ولا بالسرعة دي.. بنظرة ثاقبة حاول أن يفهم ما يدور بخلدها، ابتسم بداخله بسخرية على غبائها، يعلم أنها تطيل الوقت لتعرف هل بالفعل قلبه يدق من أجلها أم لا، في الحقيقه وعد تستحق أخذ لقب حمقاء عن جدارة من عاقل يلعب من الكبير؟!. أوما لها ثم اردف بنظرة باردة : _ براحتك أنا معاكي لحد ما تقولي كفاية، بس الناس والمأذون مش هيمشوا من هنا إلا بجوازنا يا دكتورة، عايزة تنزلي رأسي الأرض قصاد كل دول والا نعمل فرحنا بعدين أحنا مع بعض أصبر عليكي لحد ما تجهزي؟!.. أخذت نفس عميق ثم كتمته بأعماقها وعينيها بدأت تدور بالمكان حولها لتتأكد من صدق حديثه، بلعت لعوبها وهي تجد نفسها أمام الأمر الواقع، عادت تنظر إليه ثم أردفت بنبرة شبه غير مسموعة : _ توعدني تسبني لحد أخد وقتي؟!.. فتح باب السيارة ثم اتجه إلى بابها فتحه ومد يده لتضم يدها سحبا اياها للخارج هامسا بداخل اذنيها بدفي جعلها مثل الفراشة بين يديه : _ أوعدك يا عروسة يلا عشان تجهزي.. ______شيماء سعيد ______ بداخل البيت الكبير.. استقبلت الجدة وعد على الباب بعناق حارة لتغمض وعد عينيها تأخذ أكبر قدر من الأمان بأحضان تلك المرأة التي تشعرها دائماً بالظهر والقوة، حركت الجدة يدها على ظهر وعد مردفة بابتسامة سعيدة : _ كنت متأكدة أنك عاقلة وهتقدري تسيطري على عنادك وتأخدي نصيبك من الدنيا.. ابتسمت وعد قائلة : _ والله يا ماما الحاجة أنا مش فاهمة إيه اللي بيحصل لحد دلوقتي بس اهو هفضل ماشية ورا حفيدك لحد ما أشوف هوصل على فين.. اجابها وهو يقف بجوارها قائلا : _ إحنا وصلنا خلاص يا دكتورة هو في محطة تانية بعد الجواز .. رفعت وجهها إليه ثم أردفت بسخرية : _ طبعاً يا كبير تاني مرحلة عندك الطلاق.. قرص انفها ميجيبا عليها بكل سخافة : _ لأ اطمني أنتِ خسارة كبيرة في الطلاق، يلا روحي اجهزي لفرحنا.. جزت على أسنانها بغيظ ثم قالت لجدته: _ أمال همت فين يا تيتة مش ظاهرة كدة ليه؟!. حركت حكمت رأسها ببعض التوتر ثم أردفت : _ تعبانة شوية يا بنتي ونايمة في اوضتها أول ما تصحى هتفرح اوي أنكم رجعتوا... انتفض جسد سند فجأة على ذكر مرض همت، ابنته الصغيرة متعبه وهو نسي في رحلته مع معذبة قلبه حتى السؤال عنها؟!.. أبعد وعد عن طريقه ثم اتجه لغرفة نوم همت مسرعا لتقول وعد بقلق : _ هو في ايه يا ماما الحاجة أول مرة أشوف حضرتك متوترة وبعدين هي همت عندها ايه بالظبط؟!.. جذبتها حكمت للداخل بغرفة الصالون قائلة : _ والله ما عارفة أقولك ايه، أستاذ محمد اللي كان جاي معاكي أخدها وخرجوا وبعدين رجعوا ومن وقتها وهي جوا الأوضة بتاعتها رافضة تكلم أي حد. تعجبت من هذا الحديث ثم أردفت : _ ومحمد فين دلوقتي يا ماما الحاجة؟!.. حكمت : _ في المضيفة اللي في الجنينة قولت للرجالة ممنوع يخرج منها الا لما سند يوصل ويأمر بده بنفسه.. نهضت وعد من على المقعد ثم قالت بتعجل قبل أن تخرج من الغرفة : _ أنا لأزم أكلم سند دلوقتي حالا.. _______ شيماء سعيد ______ بغرفة النوم الخاصة بهمت.. دق سند على الباب أكثر من مرة بلا أي رد منها، بدأ يسير القلق بداخله عليها بريبه ليضع كفه على المقبض ثم دلف لها وجدها تمكث بفراشها شاردة بالعالم من حولها دون أن تلتفت إليه. بعد خطوتين أصبح أمامها ليقول بحنان : _ همت.. لم تجيب عليه، لأول مرة تكون أمامه بهذا الشكل الذي يصعب وصفه، مسح على خصلاتها السمراء وعاد ليقول إسمها من جديد ولكن بنبرة أكثر حسم : _ همت، مالك أنا سند يا حبيبتي.. ردت أخيراً بنبرة متعبة : _ عارفة. حسها على أكمل الحديث قائلا بهدوء حتى لا يزيد الأمر سوء : _ عارفة إيه قولي كل اللي جواكي أنا سامعك.. سقطت من عينيها دمعة قررت التحرر من هذا البركان وهي تنظر اليه مردفة بالكثير من العجز والخوف : _ أنا عمري ما كنت مريضة نفسية أو مجنونة يا سند، أنا كنت طول السنين اللي فاتت دي ممثلة شاطرة، خوفت من كلام الناس عليا فقررت أعيش دور الهبلة، بس مش قادرة أكمل.. قام من جوارها يستوعب فكرة إنه كان مخدوع بأقرب الناس إليه طوال تلك المدة، كانت تحدق به لترى ردت فعله كيف ستكون إلا إنه مثل العادة يستحيل قراءة ما يدور بداخله، أبتسم إليها قائلا : _ مش قادرة تكملي عشان حمد رجع صح؟!.. حركت رأسها تنفي ما فهمه ثم رددت بتعب أعصاب : _ حمد شكله مش ناوي على خير يا سند، أنا مقدرتش أكمل في دور المجنونة لانه كان عايز يستغلني، أنا دايما قوية بيك وعمري ما خبت عليك حاجة خليك جانبي أنا خايفة اوى... جذبها لتقف أمامه ثم أردف بقوة : _ لا عاش ولا كان اللي همت الكبير تخاف منه، أمسحي دموعك والبسي الفستان اللي هيكون عندك كمان ساعة الليلة فرحي على وعد، أما الكلب ده ابعدي عنه وخليه يلعب برحته نهايته قربت، بس قبل أي حاجة لسة له مكان في قلبك؟!.. أخذت نفس عميق تحمل به الكثير من الوجع ثم قالت : _ لأ يا كبير... ______ شيماء سعيد ______ هبط الدرج وعقله سارح، همت أصبحت واعية لما يحدث حولها وهذا الأحمق مازال بداخله روح الحرب، اقترب منه فخر بأحترام قائلا : _ عربية الدكتور صالح وأخوه شعيب بيه على أول الطريق.. ظهزت شبه إبتسامة على وجه سند الذي قال وهو بطريقه للخارج : _ عايز استقبال يليق بيه.. _ أمرك يا كبير.. لفت انتباه ركض وعد إليه بسرعة رهيبة وهي تقول : _ سند لو سمحت استنى أنا عايزة أتكلم معاك في حاجة مهمة.. أشار لفخر بالذهاب ثم اقترب منها مقبلا أعلى رأسها ثم همس إليها بدفئ : _ هنتكلم بس مش دلوقتي عندي ضيف مهم، أطلعي اجهزي ولما الفرح يخلص هكون ليكي وهنقول كل اللي نفسنا فيه... تاهت بسحر لمست شفتيه على خصلاتها، توترت أنفاسها وحاولت الإبتعاد عنه بجسد مرتجف قائلة : _ أبعد شوية واحترم نفسك انا عايزاك في موضوع مهم مش في قلة الأدب اللي جوا دماغك دي.. أبتعد عنها بالفعل ثم قهقه بوقاحة ظاهرة بعينه قائلا : _ جاهلة ومش وش نعمة هو في احلي من قلة الأدب يا عبيطة.. حركت رأسها بمعنى لا فائدة ثم قالت وهي تختفي بعيداً عن عينه : _ أنا مش مرتاحة لك يا إبن الكبير، بس بعينك تقرب مني إلا لما أكون واثقة فيك.. وصل إلى مسامعها صوته الوقح وهي يقول : _ احلمي براحتك الليلة ليلتك يا دكتورة.. _____ شيماء سعيد ______ على باب المنزل تقدم سند بجلبابه و عصاته التي تعتبر صديقته و وقف أمام سيارة صالح يستقبله بحفاوة قائلا : _ الدكتور بنفسه عندنا و كمان معاه كاتبنا العظيم انتوا الاتنين سوا طب إزاي؟! قهقه الثلاثة برغم من صداقة صالح و سند إلا أنه على علاقة طيبة بشعيب، سلم عليهم بحرارة ثم نادي على الخادمة بقوة قائلا : _ دخلي الحريم لستك الحاجة جوا.. نظرت سمارة لصالح بتوتر ليقول لها بهمس حنون : _ متخافيش يا حبيبي حبيبة جوا و العروسة من اسكندرية هتحبيها أوي... بجراءة مثل العادة ردت عليه بهيام واضح على ملامحها جعل صافية تسحبها عنوة للداخل : _ مش بحب أي حد في الدنيا غيرك أنت حتى البت صافية بقت تقيلة على قلبي يا روح قلبي... دلفت للداخل ليحرك رأسه بمعنى لا فائدة و قهقه بمرح... ربت سند على كتفه قائلا بخبث : _ شكلك واقع يا دكتور... رد عليه صالح بنفس الخبث : _ عقبالك لما تهمد بقى خلصت نص ستات الكفر ماعدا المحارم و دخلت على المدينة المجاورة... ضحك شعيب على ملامح سند الغاضبة وقال : _ مالناش دعوة بيه يا صالح ده راجل مفتري و إحنا عرسان... ربت سند بقوة على كتف الاثنين قائلا بهدوء : _ اشتروا عمركم يا عرسان و قدامي على جوا... غمز اليه صالح ورد عليه بمكر : _ ما أنت كمان عريس يا كبير والا عشان متعود الموضوع مش فارق معاك.. أشار سند لباب المنزل مردفا : _ انا بقول تدخل أحسن لك بدل ما المدام تعرف من فاعل خير كل مغامراتك ووقتها هتعرف إن مفيش حد متعود غيرك.. ارتعب صالح من تهديد سند الصريح له ثم نظر بطرف عينه لسمارة التي كانت تلوح بكفها اليه وهي تدلف للداخل بابتسامة واسعة، ابتلع ريقه مرددا : _ أنت أكبر من كدة يا كبير، ربنا يتملك على خير يا جدع.. انفجر شعيب بالضحك ثم قال : _ لأ جامد يا سند مفيش كلام أنت الوحيد اللي بتقدر على صالح.. _______ شيماء سعيد ______ بالداخل اصطحبت الخادمة سمارة وصافيه للقاعة الكبيرة المتواجد بها جميع نساء بيت الكبير ومعهن حبيبة التي ركضت إليها سمارة مردفة بشوق : _ حبيبة حبيتي قوليلي عاملة إيه هنا.. ابتسمت إليها حبيبة قائلة : _ أنا كويسة، وبعدين أنا لسة جاية إمبارح مش من سنة يعني يا اوفر.. ضربتها سمارة على كتفها مردفة بضجر : _ زيك زي اخوكي لا عندكم إحساس ولا رومانسية، أنا غلطانة اني بتعامل مع أشكال زيكم... قرصتها صافية قائلة : _ اخرسي شوية بقى الناس هتقول عليكي عبيطة وهما أول مرة يشوفوكي، وبعدين ابعدي انا كمان عايزة أسلم على اخت جوزي يا ست هانم.. ضمتها حبيبة الي صدرها فهي لأول مرة ترى زوجة شعيب، ابتعدت عنها بعد فترة مردفة بابتسامة لطيفة : _ ما شاء الله عليكي يا صافية زي القمر، حظ أخواتي دايماً حلو عشان تبقوا من نصيبهم.. أردفت السيدة حكمت التي كانت تتابع المشهد بهدوء : _ تعالوا سلموا على عروستنا الحلوة يا بنات... ردت وعد بسخرية : _ الله يسترك يا ماما الحاجة بلاش تحسسيني أنها أول مرة حفيدك بيغير الستات زي الفلينة بالظبط كل ما يعرق... ضحكت حكمت وقالت : _ يا بت بلاش تبوظي سمعت الولد وبعدين المرة دي الأخيرة أنا متأكدة.. رفعت سمارة حاجبها وقالت بنبرة يفوح منها الخبث : _ تعالي هنا يا عروسة قوليلي الحكاية بالظبط وأنا أوعدك بعد كدة كل ما عينه هتقع على ست هيخاف منك... تحمست وعد فجأة وقالت بلفهة : _ بجد.؟!.. _ طبعاً بجد ده انا سمارة... _____ شيماء سعيد _____ انتهى حفل الزفاف بعد ساعات طويلة من الاحتفالات المتنوعة ولما لا وهو زواج سند الكبير، وعلى باب المنزل كانت تقف بجواره بجسد مرتجف متوتر ليمسك كفها الصغير بين يده الضخمة قائلا بمرح لجدته : _ يلا بقى عشان هنفذ طقوس عيله الكبيرة يا حاجة حكمت.. ضحكت حكمت مردفة بمكر : _ وده من امتا طول عمرك بترفض تشيل حريمك من على الباب ليلة الدخله.. شهقت فجأة بفزع عندما حملها بين ذراعيه بكل حماس مرددا : _ ما دي جوازة العمر يا جدتي، مش مهم تبقى الأول المهم ان الدكتورة هتكون الأخيرة.. همست اليه بنبرة غاضبة وهي تجز على أسنانها : _ نزلي وبطل قلة أدب يا عديم التربية. اتسعت عينيها بذهول وصرخت بألم عندما قرص أسفل ظهرها بقوة مردفا وهو يكمل طريقه بكل بساطة : _ نحترم نفسنا عشان أنتِ عروسة وانا مش عايز أقل منك قدام حد في يوم زي ده.. أسفل الدرج أردفت ابنه عمه لوالدتها بغيظ أعمى : _ شايفة يا ماما بيعمل معاها ايه وأنا رمي عليا يمين الطلاق كأن ماليش اي قيمه عنده. نظرت لها والدتها قائلة بضيق : _ تعرفي تخرسي وتخليكي في حالك احمدي ربنا انك لسة عايشة محدش عارف باقي حريمه راحوا فين، لكن أنتِ عشان صله الرحم اللي بينكم بعد ما فضلتي تضحكي عليه سنين بأنك سليمه وأنه لأزم يكشف لو واحدة غيرك كان دقنك... جزت على سنانها بغيظ وقالت وهي تغادر القاعة بالكامل : _ بس أنا بشر طالما مش هيرجعني يبقى يسبني اتجوز غيره وأشوف نفسي بقى انا في عز شبابي.. على باب الجناح... دفع الباب بقدمه ودلف بها للداخل ثم أغلق الباب خلفهما، وضعها على الفراش قائلا بابتسامة سعيدة و نبرة حنونة تريح جسدها ويطمن بها قلبها : _ مبروك يا عروسة نورتي البيت الكبير ونورتي حياتي كلها. سعيدة نعم هي سعيدة، مهما كانت النهاية الا إنها الآن زوجته وتحمل إسمه، حلمها التي ظلت تعيش بداخله طوال نومها بالسنتين الماضيتين أصبح حقيقة تعيشها وتترعرع بداخلها، أنزلت وجهها أرضا من قمة الخجل ثم أردفت : _ الله يبارك فيك يا سند.. لا يعلم لما هو فخور من نظرات الخجل التي تفيض من عينيها، رفع وجهها إليه بأحد اصابعه الذى وضعه أسفل ذقنها ثم همس إليها : _ عجبك شكل الجناح الجديد؟!.. همهمت وهي تحاول الهروب من بين يده قائلة : _ اممممم شكله حلو عن اذنك بقى.. سحبها من خصرها لتبقى بالقرب منه هامسا إليها باصرار على ما بداخله مهما كلفه الأمر : _ عن إذني على فين؟!... أشارت اليه المرحاض بكف مرتجف : _ هغير في الحمام عشان ننام اليوم كان طويل أوي... مسح على بشرتها الناعمة واردف بهدوء : _ لأ المهمة دي عليا، خدي نفسك عميق وقوليلي بحبك يا سند، لما بسمعها منك برتاح.. وضعت كفها على صدره تبعده عنها وهي تقول : _ إياك تتخطى حدودك معايا واحترم الاتفاق اللي بنا.. حرك كتفه قائلا بخبث : _ هو أنا عمري قولتلك اني هبعد عنك وبعدت يا دكتورة؟!.. هزت رأسها بنفي وردت عليه مثل البلهاء : _ لأ بصراحة طول عمرك بتاخدني على قد عقلي وبعدين تعمل اللي في دماغك أنت بس.. ضحك عليها من كل قلبه ثم غمز لها قائلا : _ يبقى خلاص الليلة يا عمدة... أشارت اليه بأحد اصابعها محذرة اياه : _ هصوتك خليك مكانك... جذبها لتستقر على صدره ثم همس إليها وعينه تأكل كل جزء بوجهها : _ بحبك... الكلمة كانت كفيلة تجعلها ترفع راية الاستسلام ليحملها من جديد وضعا اياها على الفراش لتبدأ ملحمة سند الكبير وتتعلم هي على يده كيف يكون الحب الفعلي الخالي من الكلمات... _____ شيماء سعيد _____ بغرفة حمد بحديقة منزل الكبير، بدأ يفتح عيناه رويدا رويدا على صوت قوي يهمس بإسمه لأكثر من مرة، شعر بالقلق بنومه والخروج من حلمه المميز ليستسقظ رغماً عنه، انتفض جسده على رؤيته لسند يجلس على المقعد المقابل للفراش يضع ساق على الآخر بكل أريحية مردفا : _ صحي النوم يا حضرت الظابط كل ده نوم، على حد عملي الظباط بيصحوا من حركة النملة والا أنت مطمن لأنك في حماية سند الكبير؟!. اعتدل حمد بعدما قدر على السيطرة على ردود أفعاله مردفا ببرود : _ خير يا سند سايب عروستك في ليلة الدخلة وجاي عندي تعمل إيه؟!.. معقول مش قادر على بعدي عنك.. قهقه سند بنبرة لا تقترب للمرح من قريب أو بعيد ثم رد عليه ببساطة : _ وأنا عندي أغلى منك يا حضرت الظابط.. مسح حمد على وجهه عدة مرات متوترا من هذا الهدوء المريب للاعصاب قائلا : _ اه قولتلي يا حضرت الظابط يبقى كفاية لف ودوران بقى ونلعب على المكشوف يا كبير.. اوما إليه سند مرددا : _ أنا بلعب على المكشوف من زمان لكن أنت اللي دخلت من سكة الحريم يا حضرت الظابط ونسيت أنت بتلعب مع مين وإزاي.. انتفض حمد وقام من على الفراش وهو يقول بقوة مدافعا عن نفسه : _ لو تقصد همت فأنا حبيتها فعلا وكنت ناوي اتجوزها، لكن أنت اللي غبي.. صرخ فجأة وسقط جسده بعدها على الأرض بعدما تلقى أول لكمة من قبضة سند الحديدة الذي اردف بعدها بجمود : _ كدة أزعل منك بدأت الكذب وده غلط عليك، هربت يوم الفرح ورسمت إنك فاقد الذاكرة وجاي دلوقتي تقول بتحبها؟!.. قطعه حمد بوجع : _ أنا مهربتش أنا فعلا عملت حادثة وفقدت الذاكرة وأظن مراتك أكتر واحدة عارفة ده.. أخذ لكمة أخرى عندما أدخل سيرة وعد بالموضوع بكل حماقة، كان يحاول بشتى الطرق ان ينسى أن زوجته عاشت عامين تحت سقف واحد مع هذا الحيوان دون أن يعرف كيف كان ينظر لها أو ما فعلوا مع بعضهما.. لم يشعر بنفسه الا بعدما رأي الدماء تسقط من جميع جهات وجه حمد ليقوم من فوقه قائلا بقوة : _ أول ما تطلع عليك الشمس تكون غورت من هنا ده لو عايز تخرج حي مش في كفن.. ________ شيماء سعيد ______ بأحد المنازل العريقة بالقاهرة وبالتحديد في التجمع الخامس، كان يجلس رجل يظهر عليه معالم الوقار رغم الغضب المرسوم على ملامحه وهو يضع ساق على الآخر ويمسك بيده سلاحه الناري يلعب به بين أصابعه.. همس بنبرة مميتة للحارس الواقف بجواره : _ مين سمح له يخرج من باب الفيلا؟!... بلع الحارس ريقه بتوتر من هذا الموقف الذي لا يحسد عليه ثم اردف : _ يا باشا مستر هادي خرج من غير ما إحنا نشوفه.. يا ليته لم يتحدث أو على الأقل كذب وقال إنه من اخرجه، قام من مكانه بنيران تكاد تحرق الأخضر واليابس ثم همس بنبرة صوته الخشنة : _ يعني هادي خرج من باب الفيلا وأنتوا وافقين برة وجودكم زي عدمه؟!.. حاول الاخر الدفاع عن نفسه إلا أن صوت رب عمله جعله يعلم إنها النهاية : _ من غير حرف واحد تاخدوا أي مستحقات ليكم هنا ومش عايز اشوف وشكم.. خرج الحارس وهو يلعن في هادي الذي قطع عيشه ويدعى عليه من أعماق قلبه، بنفس اللحظة دخل هادي بسيارته للفيلا ودلف للداخل بكل برود، اتصدم عندما وجد خاله يقف بانتظاره مردفا بنبرة ساخرة : _ أهلا يا هادي بيه نورت.. بلع هادي ريقه مردفا : _ فايز اسمعني الأول قبل أي حاجة.. قطعه فايز باشارة من يده ثم قال : _ مش عايز اسمع حاجة، من بكرا هننزل كفر الكبير أبن عمتك يتعامل معاك لأني بعترف لأول مرة بفشلي في تربيتك.. لم يتوقع هادي بأسوأ كوابيسه إن يتخلى عنه فايز ويسلمه لسند يدا بيد، أسرع بالاقتراب منه يمنعه من الصعود لغرفته قائلا برجاء : _ أرجوك يا خالو سند لأ أنا مستعد أفضل في البيت الباقي من عمري بس أرجوك سند وكفر الكبير لأ، ده مش بيعرف يتفاهم والعنف عنه مزاج.. رد عليه فايز ساخرا وهو يتركه ويصعد الدرج : _ هناك هتبطل القرف اللي أنت بتشربه وتبقى راجل، أنا مش مستعد أقابل أختي وأقولها إبنك ضاع مني.. ______ شيماء سعيد ______ بجناح سند.. فتحت وعد عينيها بكسل كبير بعدما شعرت ببعض البرودة تسير بالقرب من جسدها، رفعت كفيها وأخذت تمر بهما على عينيها لتستعيد القليل من نشاطها، نظرت للفراش أمامها لتجده خالي، بلعت لعوبها وذكريات ليلتهم الأولى تتسرب لعقلها رويدا رويدا، نفذ ما كان يرغب به وحصل عليها دون أدنى مجهود منه.. لم تحاول على الأقل الدافع عن نفسها ليبتعد، حركت رأسها سريعا تحاول إخراج تلك الأفكار مردفة بتردد : _ اللي حصل هو الصح والحلال، سند جوزك وكان عايزك لو رفضتي ربنا هيزعل منك.. عادت لتنهر نفسها من جديد وكأن بداخلها شخصين : _ بس مكنش ينفع وأنتِ متأكدة انك مجرد لعبه بين ايده قرر أمتا يرجعها وبكرا يقرر أمتا يخرجها برة حياته.. قطع أفكارها عندما دخل للجناح وهنا كانت الصدمة الأكبر لها، هل تركها بليلة مثل ليلة الزفاف وخرج من الجناح، ابتسم إليها ثم اقترب منها مقبلا أعلى رأسها يحاول نسيان ما قاله هذا الحيوان عن حياتها معه ثم أردف : _ صاحية بالليل ليه؟!.. لسة بدري نامي وارتاحي.. قلق عندما لم يجد منها رد فقط تنظر إليه ليقول وعيناه تحاول فهم ما بها : _ مالك يا وعد أنتِ حاسة بأي تعب أطلب ليكي دكتورة.. بعدت كفه عنها بنفور واضح ثم ردت عليه أخيراً : _ كنت فين؟!.. أستغرب السؤال وليكن أكثر صدقاً رفض فكرة السؤال نفسها، استقام بوقفته ثم رد عليها بحاجب مرفوع : _ وأنتِ مالك؟!.. لا تعرف كيف تتعامل معه وجدت نفسها تضحك فجأة بلا أي سبب ثم رددت من بين ضحكتها : _ أنا مالي؟!.. يمكن مثلا عشان حضرتك جوزى ويمكن أكتر عشان الليلة ليلة فرحنا ومينفعش تسيبني وتخرج في يوم زي ده.. معها حق ولكن يجب أن تعتاد على طريقته من البدايه، رد عليها بهدوء : _ ملكيش دعوة.. ها هو يكشف الستار عن شخصيته الحقيقة بعد ساعات قليلة بعد حصوله على مراده، أزالت الغطاء عنها ثم ارتدت روب من الستان الأسود، اقتربت منه بخطوات مرتجفة قائلة : _ يعني ايه ماليش دعوة آمال مين له؟!.. أنا بسأل سؤال وعايزه عليه إجابة كنت فين يا سند في يوم زي ده؟!.. تنهد بتعب، لا يرغب بالشجار خصوصاً اليوم، ضم وجهها بين كفيه قائلا بنبرة حنون بها القليل من التهديد: _ ممنوع تسألي كنت فين ورايح فين، اهتمي بيا وبس يا وعد فكري إزاي تخلي حياتنا حلوة وسيبي أي حاجة تانية عليا انا هتصرف فيها.. ابتسمت إليه بسخرية وهي تضع يدها على يده لتبعده عنها ثم اردفت بتعب وهي تعود للفراش مرة أخرى : _ عندك حق كفاية عليا أهتم بيك أي حاجة تانية تروح في داهية حتى لو كانت الحاجة دي مشاعري، تصبح على خير.. تمنت لو يأخذها بين احضانه ليطمئن قلبها بقربه، تمنت لو يقول أي كلمة ولو بسيطة يثبت لها أن ذات قيمة عالية بقلبه، إلا أنه جلس بجوارها على الفراش ثم مسح على خصلاتها عدة مرات مردفا بثقة : _ مشاعرك سبيها عليا انا هعرف أتعامل معاها كويس، أما دلوقتي بقي افتحي عيونك الحلوة دي وقومي حضري ليا الحمام.. اعتدلت بجلستها كان بداخلها ألف كلمة تريد أن تقولها الا ان لسانها رفض الخوض معه بأي حديث، اخذت نفس عميق ثم قالت وهي تقوم من على الفراش : _ دقايق والحمام هيكون جاهز تؤمر بحاجة تانية.. حرك رأسه برفض قائلا : _ لأ بس بسرعة عندي مشوار مهم... _____ شيماء سعيد _____ بعد ساعات طويلة بعد رحيل سند قررت وعد الهروب بالنوم من أي شيء يعكر مزاجها، تحركت بضجر وهو تضع الوسادة فوق رأسها لتمنع صوت الباب الذي يجبرها على الاستيقاظ، ومع اصرار الطارق فتحت عينيها وقامت من مكانها مردفة : _ مين؟!.. ردت عليها سمارة من خلف الباب قائلة : _ أنا سمارة ومعايا همت ممكن ندخل يا عروسة.. فتحت لهما الباب ثم ردت بسخرية : _ ادخلوا عادي ما هو العريس نفسه خرج هعيش أنا دور العروسة مع مين؟!... خفضت همت عينيها بخجل من تصرفات شقيقها اما سمارة فقالت وهي تجذب وعد من ذراعيها وتجلس بها على الاريكة : _ بقولك إيه انا عارفة الأشكال دي كويس اذا كان هو وإلا صاحبه الاتنين اوطى من بعض، فركزي معايا كدة عشان تعرفي تعيشي يا بنت الناس.. ابتسمت إليها وعد بتلقائية قائلة : _ قولي يا ستي وأنا ايدي على كتفك.. ضربتها همت بمرح قائلة : _ الله أنتِ عايزة تمشي ورا كلام سمارة ناويين تعملوا إيه في أخويا الغلبان.. سمارة : _ اخوكي من غلبان انا من أول ما شوفته بقول عليه تعبان.. قهقهت وعد بمرح ثم استوعبت أن همت تتحدث معها مثل الماضي فاردفت بسعادة : _ همت أنتِ بقيتي كويسة؟!.. أومات لها همت مردفة بغرور مرح : _ كويسة مين ده انا أكتر واحدة خبيثة في البيت ده.. حركت وعد رأسها مردفة بقلة حيلة : _ لأ إذا كدة فأنتي عندك حق تقولي على اخوكى غلبان... ضربت همت على رأسها ثم قالت وهي تجذب وعد معها للحمام قائلة : _ معاكي ربع ساعة وتكوني جاهزة عشان ننزل للناس اللي تحت بدل ما الحاجة حكمت تعلم عليا... بعد نصف ساعة كانت ترتدي عباية استقبال مميزة من اللون الأبيض وتضع على وجهها القليل من مساحيق التجميل التي أعطت لها الكثير من الجمال والدلال وتركت لشعرها الحرية خلف ظهرها.. نزلت للاسفل لتشير إليها حكمت قائلة : _ تعالي يا غالية يا مرات الغالي سلمي على حريم أكبر رجالة في كفر الكبير.. ابتسمت لها وعد بتوتر وجلست على المقعد المجاور لها بدأت تستقل التهاني حتى اردفت سماح ببرود : _ الله العريس خرج من الصبح لحق يزهق يا دكتورة والا ايه؟! قبل أن تجيب عليها وعد أكملت الأخرى بقوة لتزيد من الأمر سوء : _ وبعدين انا مش شايفة ليكي أهل لا إمبارح في الفرح ولا حتى الليلة إيه أنتِ هربانة من أهلك والا ايه.. بماذا تجيب أمام هذا الكم الكبير من النساء ومن المفترض أنها زوجة كبيرهم؟!.. ابتلعت تلك الغصة المريرة بحلقها ثم اردفت بنبرة هادئة : _ أنا أهلي توفوا من زمان وفعلاً ماليش حد في الدنيا دي بعد ربنا الا سند، واظن هو سند الكل حتى اللي ليهم أهل يبقى يا بختي ويعوضي بيه.. لم تتحمل أن تكمل أي حديث وبعد عشر دقائق طلبت من السيدة حمكت الصعود لتقول لها : _ طبعا يا روحي ارتاحي والاكل هيكون عندك أول ما سند يوصل... ابتسمت لها وعد قائلة بتعب : _ شكراً جدا... ______ شيماء سعيد _______ بعد منتصف الليل بسيارة سند، كان يضع رأسه على المقعد وينظر للفارغ حوله بلا هدف، ها هو قدر على الحصول عليها، تزوجها ونفذ ما كان يركض إليه منذ أول مرة ضمها لصدره وهي تختبئ من الكلاب.. لأول مرة يشعر إنه يريد الفرار من هذا النعيم، يعترف وبكل قوة إنه يريد التخلي عنها اليوم قبل غد لا يتشوق لرؤية المزيد مستكفي بتلك الليلة بما فيها من ذكريات.. يشعر وكأنه كلما اقترب كلما زاد الأمر سوء، رن هاتفه ليتنهد بتعب ثم فتحته قائلا بهدوء : _ فايز بيه افتكر ان له إبن اخ المفروض يتصل يطمن عليه، طيب على الأقل عشان شكلي قصاد الناس كنت احضر فرحي إمبارح.. قهقه فايز ثم رد عليه بسخرية : _ فرح ايه يا سند ده أنت بتتجوز كل يومين، عموماً يا سيدي ملحوقة احضر الطلاق عادي.. إجابه بسخرية : _ خليك محضر خير يا فايز.. تعصب فايز جدا واردف : _ ما تحترم نفسك وتعمل حساب إني عمك وأكبر منك.. _ عمي ماشي لكن أكبر مني دي فيها كلام تاني دول كلهم 3 سنين اللي بيني وبينك.. تنهد فايز ورد : _ سند أنا جاي البلد بكرا وهيكون معايا هادي هنقعد عندك فترة، بجد انا مش قادر اتحمل تصرفات هادي رجع يشرب تاني وبيهرب من الحرس... مسح سند على وجهه ثم قال بقوة : _ خلاص يا عمي هستناك الصبح بس لو أتدخل في طريقتي في التعامل معاه انا وقتها هبعد.. أغلق الخط مع فايز، ليقع نظره بالصدفة على على ساعة الهاتف ليردف بصدمة : _ الساعة واحدة كل ده مش حاسس بالوقت يا كبير... بجناحه ظلت من التاسعة مساءا تنتظره بالشرفة غير مصدقة ما يحدث معها بيوم مثل هذا، كانت على يقين إنه سيمل بعدما يحصل عليها ولكن بتلك السرعة الأمر مخيف، بدأت تشعر ان ساقيها تتخلى عنها ولم تقدر على الوقوف عليهما أكثر من ذلك، بنفس اللحظة دلفت سيارة الكبير للحديقة.. لمحته ينزل منها بجلبابه الأسود ويسند على العصا الخاصة به، لتغلق الشرفة وتركض للفراش ثم وضعت الشرشف عليها وأغلقت عينيها تمثل النوم.. بعد خمس دقائق دلف وأغلق الباب خلفه بقوة ثم أردف بنبرة صوت عالية : _ اصحي يا واكلة ناسك أنتِ.. تجمد جسدها من هول الكلمة، توقعت انها نامت بالفعل وتلك الجملة بأحد كوابيسها لا أكثر، الا انها انتفضت عندما ازاح عنها الشرشف مكملا بنفس الطريقة : _ أنا مش بكلمك يا بت أنتِ قومى يلا.. اعتدلت على الفراش قائلة بحالة من الذهول : _ هي ايه طريقة كلامك دي؟!.. وبعدين في عريس يفضل لنص الليل برة البيت وساعة ما يرجع يعمل كدة... جلس على الفراش وضعا ساق على الآخر قائلا ببرود : _ قومي قلعيني الجزمة واغسلي رجلي.. هل بين يوم وليلة يتحول الشخص بتلك السرعة أما إنها تتوهم، قامت من على الفراش ووقفت أمامه مردفة : _ أنت بتقول إيه ما تفوق يا كبير أنا الدكتورة وعد والا نسيت فجأة أنا أبقى مين؟!.. _ أنتِ مراتي يا دكتورة ومن النهاردة انسى موضوع الدكتورة ده خالص، شغلتك الوحيدة راحتي وسعادتي وبس... ضحكت بسخرية قائلة : _ يعني إيه الكلام ده؟!.. _ قلعيني الجزمة واغسلي رجلي.. _ ولو رفضت؟!.. رد عليها بمنتهى القسوة : _ هتبقى طالق.. _____ شيماء سعيد _______