الفصل الثانى عشر من رواية عشق لم يسطو بعد بقلم زكية محمد

ضحك مراد قائلا :- اعمله إيه خلينا نرتاح من زنه لو شفت اللي عمله الحمد لله معتز وافق.

ضحك عمر قائلا :- عملت إيه يا منيل؟

أردف فارس بضيق :- إيه يا خالو إيه يا جماعة دا أنا العريس يعني وعاملين تقطعوا في فروتي دة بدل ما تباركولي.

إبتسم سليم الصغير قائلا :- ألف مبروك يا فارس.
إبتسم له قائلا :- الله يبارك فيك عقبالك. بقولك إيه ما تيجي تكتب كتابك معايا؟

هز رأسه بتفكير قائلا :- والله فكرة مش بطالة.

هتف سليم الكبير بغيظ:- فكرة ايه وبطالة إيه؟ إنت هتعوم علي عومه.

هتف مراد قائلا :- وفيها إيه ؟ وافق يا عم.

أضاف مصطفى بتأكيد :- ها يا أبو العروسة ما توافق وخلي الفرحة فرحتين.

أردف بحيرة :- طيب ورأي همس؟

أردف بهدوء:- والله إنت أكيد ما غصبتهاش علي الإرتباط بسليم يعني موافقة وانت ولي أمرها بطل حججك دي.

أردف بتوضيح :- مش كدة يعني تكون معانا هي ووالدتها مش قاعدين في البيت ويكون عندهم علم علي الأقل.

أردف بهدوء :- نعمل إيه تعب حمزة عمل كدة.

أردف سليم الصغير :- أنا حابب أعملها مفاجأة ليها يا عمي ها إيه رأيك؟

هز رأسه بإستسلام قائلا :- ماشي يا ابن مصطفى لما نشوف أخرتها ايه ؟

إبتسم بتصنع قائلا :- أخرتها فل إن شاء الله.

رفع حاجبيه بدهشة قائلا :- يا راجل! من امتي وليك في الهزار؟

ضحك بغيظ قائلا :- جري إيه يا عمي هو إنت عاوز تتخانق والسلام؟

ضحك مغلوبا علي أمره قائلا :- لا مش هتخانق. …

بعد بعض الوقت حضر المأذون وتمت مراسم كتب الكتاب فارس وسليم وتوالت التهانئ والمباركات.

إقترب فارس من معتز مقبلا إياه بقوة في وجنته فدفشه الآخر بعنف قائلا :-
إيه دة؟

هتف ببراءة :- بباركلك يا عمي مش هتباركلي.

تحدث من بين أسنانه :- ألف مبروك ارتحت.

هتف بفرح :- أوي أوي يا عمي بقولك إيه عاوز أخد حبيبة ونخرج لوحدنا هي دلوقتي مراتي وبعلم الكل مجبتش حاجة من عندي.

أردف بغيظ :- روح نام يا فارس وارتاح بدل ما أقولك مفيش بنات للجواز وأطلقها منك علشان أنا علي أخري منك.

هتف بتذمر:- يا عمي إنت مش طايقني ليه نفسي أعرف.

أردف بغيظ:- يعني سيادتك مش عارف!

أردف بكذب :- لا ما اعرفش عملت إيه يا عمي! ؟

صاح بغضب :- مراد شيل ابنك من قدامي.

ضحك مراد ثم وقف ومسك ابنه من مؤخرة عنقه قائلا :- يلا يا فارس روح شوفلك شوفة وهدي اللعب اليومين دول ها.