الفصل الثانى عشر من رواية عشق لم يسطو بعد بقلم زكية محمد

أردفت بهدوء:- طيب ما هو كمان بيحبها إنت مشفتش كان عامل إيه النهاردة.

أردف بحيرة:- أنا كل اللي يهمني سعادة بنتي بس بردو مش هقبل أي تجاوزات منه وإلا ساعتها هيكون ليا تصرف تاني.

أردفت بسرعة:- لا لا متخافش أنا هكلمه .بس مقولتش يعني عرفت منين إنها بتحبه؟

أردف بهدوء:- في مرة دخلت اطمن عليها لقيتها نايمة علي مكتبها وانا وبشيلها لقيت قدامها كشكول وفيه اسم المحروس علي عينه منور الصفحة وكلام حب تحته ساعتها كنت هفوقها وأضربها قلمين من غيظي بنت غبية.

أردفت بمكر :- زي أمها يعني؟

أردف بغيظ :- اتلهي اسكتي إنتي التانية وروحي نامي .

ضحكت قائلة بإستفزاز :- يعني مكنتش بكتب اسمك علي الكراريس والكتب كنت مجنونة بحضرتك.

ضيق عينيه قائلا :- كنتي؟

ضحكت بدلال قائلة :- ولا زلت يا قلبي هو أنا أقدر ما احبكش يا أبو ولادي حبيبي.

ضحك بإستسلام فقد نجحت في إمتصاص غضبه فهتف:- بتثبتيني يعني ؟

أحتضنته قائلة :- لا يا قلبي. بقولك إيه فكها بقي وبلاش رخامة.

ضيق عينيه قائلا :- رخامة! طيب تعالى بقي أوريكي الرخامة علي حق. ………

♡♡♡♡♡♡♡♡♡♡♡♡♡♡♡♡♡♡♡♡♡

قبل ذلك بقليل سحب سليم ورد عند المسبح وسط صدمتها وذهولها فهتفت ببعض الخوف:- في إيه يا سليم؟ وماسكني كدة ليه؟ إنت عارف إنه ما. …..

لم تكمل كلماتها إذ إحتضنها فجأة بقوة. أما هي إزدادت ضربات قلبها وإتسعت عينيها علي آخرهما وفرغت فاهها مما يحدث.

شهقت بصدمة قائلة وهي تحاول الإبتعاد عنه :- سليم ابعد ما ينفعش. ……

كان مأخوذا بسحر اللحظة وكم تمني أن لا يحدث ما حدث فلكان أغدقها بكلمات الحب والغزل. عاد من شروده عندما وجدها تحاول الفكاك فهمس بأذنها بسخرية ما جعلها تتصلب كالجماد :- مبارك يا همس زواجنا ..

طالعته بصدمة فأكمل :- أيوة أنا كتبت كتابك النهاردة مع فارس.

إلتمع الدمع بعينيها قائلة :- وطبعا أنا زي الكرسي بتحركني علي مزاجك وأنا مليش حق إني اتكلم.

إبتسم بإصطناع قائلا :- اخرسي خالص واضحكي علشان أمي ومرات عمي بيراقبونا من فوق.

نظرت له بوجع إذن فعل كل ذلك لانه تحت المراقبة فأعطتهم ظهرها وبدأت دموعها في الهطول اما هو أردف بسخرية قاسية:-
أنا مش عارف ايه مخليكي تعيطي واحدة في ظروفك المفروض تتمسك بالفرصة دي اللي جات من السما.

نظرت له بوجع قائلة :- شكرآ ليك يا ابن عمي إنك أديتني الفرصة اللي متتعوضش في حاجة تانية ولا امشي؟