الفصل الواحد و العشرون من رواية جراح الروح للكاتبة روز امين

إبتسمت لها فريدة وأردفت قائلة بهدوء٠٠٠غصب عني والله يا نور،، أصلي كنت مشغوله شوية الفترة إللي فاتت

أجابتها نور بتخابث متذكرة ٠٠٠٠أيوة صحيح ،،أيه الكلام اللي أنا سمعته ده،،إنتِ وهشام سبتوا بعض فعلاً ؟؟

تنهدت وقد ظهر علي وجهها العبس والضيق وأردفت بنبرة جادة٠٠٠أيوه يا نور،،،اللي سمعتية حقيقي !!

نظرت لها وتسائلت بفضول ٠٠٠٠طب ليه يا فريدة،،أيه اللي حصل وصلكم لكدة ؟؟

ده خلاص يا بنتي،، مش فاضل غير كام شهر علي فرحكم !

اجابتها فريدة بإختصار ٠٠٠ كل شيئ قسمة ونصيب يا نور،،،ويظهر إن أنا وهشام ملناش نصيب في بعض !!!

نظرت لها بضيق وتحدثت بإستماتة٠٠٠ أيه الأي كلام اللي إنتِ بتقولية ده ؟؟

وأكملت بإستماتة وضغط٠٠٠٠سيبك من الكلام الفاضي ده يا فريدة وأعقلي،،، هشام بيحبك وعمرك ماهتلاقي حد يحترمك ويقدرك زية،،مينفعش تضيعي حب كبير بالشكل ده من بين إديكي !!

وكررت سؤالها الفضولي بطريقة مستفزة ٠٠٠ طب إحكي لي أيه إللي حصل ؟؟

مش يمكن أقدر أساعدكم ونحل الخلاف مع بعض ؟؟

نظرت إليها فريدة وكتمت غيظها من تلك المٌتحشرة وأردفت قائلة بهدوء علي عكس ما يدور بداخلُها ٠٠٠٠ما أنا قولت لك يا نور،،كل شيئ قسمة ونصيب !!

لن تكتفي تلك النور بهذة الإجابة فتحدثت بطريقة أمرة مستفزة ٠٠٠ بصي بقا،، أنا هتصل بهشام حالاً ييجي هنا ونقعد إحنا الثلاثة ونتكلم ونحاول نقرب وجهات النظر ما بينكم ونشوف نقط الخلاف ونحلها !!!

أخرجت هاتفها وكادت أن تضغط زر الإتصال لولا أوقفها صوت فريدة الحاد وهي تتحدث بملامح مٌكتظة ونبرة صوت حادة وقويه ٠٠٠٠٠نور،،،،هو أنا ينفع أجي أقول لك وأقنعك إن حياتك مع جوزك فاشلة وإنك لازم تسِبية فوراً ومن غير حتي ما تفكري لأن ده في مصلحتك ؟؟

نظرت إليها نورهان وهي مٌضيقة العينان بإستغراب وأجابتها بعدم إستيعاب٠٠٠ مش فاهمة أية علاقة كلامك ده بكلامي معاكي ؟؟

أجابتها فريدة بملامح جامدة مٌكتظه وصوتٍ حاد قوي٠٠٠٠إزاي بقا،،،ده هو هو نفس التفكير ونفس المنطق،،،،إنتِ جاية تقولي لي وتقرري بدالي أيه اللي لازم أعمله مع هشام ،،لا وكمان بتفرضي عليا إنك تجبية لحد هنا علشان أقعد معاه وأتكلم في موضوع منتهي أساساً بالنسبة لي !!