الفصل الواحد و العشرون من رواية جراح الروح للكاتبة روز امين

وإنتِ كل اللي يهمك هشام وإزاي تقدري ترجعيه ليكي من تاني !!

أردفت غادة قائلة لتذكيرها ٠٠٠٠ وهو مين اللي كان ساب هشام زمان،،مش إنتِ يا لبني ؟؟

نظرت مٌني إلي لُبني بأسي وكادت أن تٌسرد لشقيقتها حقيقة الإبتعاد لولا لٌبني ونظراتها المحذرة المترجية التي أسكتتها

ثم نظرت لبني إلي غادة وأجابتها بحنين وندم٠٠٠غلطة وربنا بعت لي الفرصة علشان أصلحها علي أدين واحدة ما أعرفهاش،، وأنا مسكت في فرصتي بكل قوتي ،،،

وأكملت بنبرة مٌلامة وعيون مٌغيمة بالدموع٠٠٠ إنتوا ليه مش قادرين تفهموني،،،أنا كان لازم أرجع لهشام من تاني علشان عمري ماكنت هقدر أكون مع واحد غيرة

وأكملت بتعقل ٠٠٠ مكٌنتش هقدر أظلم إنسان وأكون معاه بجسمي وأنا قلبي وروحي مع راجل تاني،،،مكنش هينفع صدقوني !!

أجابتها غادة بتألم٠٠٠ وتفتكري إن هشام هيوافق يرجع لك بعد كل اللي حصل ده ؟؟

إبتسمت وأجابت بثقة تكاد تصل إلي حد الغرور٠٠٠هيرجع يا غادة،،هيرجع بعد ما يتأكد إنه لسه بيحبني زي زمان ويمكن كمان أكتر،،،،

هيرجع علشان هو عارف ومٌتأكد إن محدش هيحبه وهيخاف علية في الكون ده كله قدي !!!

تبادلت مني وغادة النظرات بينهما وتنهدت كلً منهما بأسي !!

وتحدثت مٌني بيأس٠٠٠ربنا يهديكي يا بنتي !!!

إنتبهوا جميعاً علي صوت هاتفها التي نظرت به وأبتسمت

ثم وقفت سريعً وأتجهت إلي غرفتها ودلفت ثم أغلقت بابها تحت إستغراب غادة ومٌني

أردفت لٌبني قائلة بعتاب٠٠٠ أخيراً إفتكرتيني وإتصلتي ؟؟

ضحكت رانيا بسعادة وأردفت قائلة بنبرة ساخرة٠٠٠٠علي معرفت أفلت من وسط النكد اللي خالتك وإبنها معيشينا فيه من يوم اللي حصل

تسائلت لٌبني ٠٠٠٠للدرجة دي ؟؟

أجابتها بتأكيد٠٠٠٠وأكتر يا بنتي والله،،عاوزة أقول لك إن حماتي قالبه لنا البيت نكد وعياط طول الوقت !!

وأكملت بإشادة٠٠٠٠بس بجد يا لُبني برافوا عليكِ ،،لعبتيها صح وخلصتينا من المغرورة اللي إسمها فريدة في لمح البصر

ضحكت لبني وأردفت قائلة بتفاخر ٠٠٠٠ عِدي الجمايل يا رانيا !!

ضحكت رانيا وأكملت بتفسير٠٠٠٠أنا منكرش إني كٌنت واثقة من إنك هتقدري،،لكن بصراحة مكٌنتش متوقعة إنك هتنجزي الموضوع وتنهيه بالسرعة دي !!!