الفصل الرابع من رواية ست الحسن الجزء الثاني للكاتبة امل نصر
الفصل الرابع من رواية ست الحسن الجزء الثاني
هى ” نجلاء ” دى معاها بنته ؟
ايوه يابيه “هى معاها ولدين وبنت واحده اسمها ” نورا “.
كرر ” معتصم ” وراه بسرحان
اسمها ” نورا” !
…………………………
وعند البيت الكبير وفى الجنينه تحديداً ..” نيره” كانت مع “نورا” عند شجرة البرتقان بيحاولوا ينزلوا منها اللى يقدروا عليه وهما مبسوطين .. طب عليهم ” حربى ” وفاجئهم بصوته
بتعملى ايه ياخايبه انتى وهى ؟
نيره بفرحه
تعالى يا” حربى “نزلى اللى البرتكانه اللى فوج دى .
نظرلها بدهشه
انزلك! وانتى معرفاش تنزلى لوحدك ؟
نورا وهى حاطه ايدها فى وسطها
طب ورينا شطارتك انت ياناصح ؟
حربى بضحكه
بس يابت انتى يابحراويه .. انا بكلم الجماعه يعنى مش فاضيلك
نيره ضحكت بكسوف و” نورا” شهقت بصوت عالى
بتضحكى ياختى ياخايبه انتى .
قالتها وهى بتضربها على أيدها
نيره بدلع وهى بتمسك ايدها وبتدلكها
ااه .. شايف يا” حربى ” بتعمل معايا ايه ؟
حربى وهو مضيق عنيه بابتسامه وغضب مصطنع
كده برضو هاتكسرى يدها .. اتجوزها بيد مكسوره انا دلوك يعنى !
نورا بشهقه اكبر
يالهوى عالمُحن .. لا انا معنديش مراره ليكو ..انا ماشيه وسايبهالكو .
رد عليها بسهوله
ياريت بسرعه والنبى
نظرت ل”نيره ” لقيتها فرحانه فيها وبكل قوتها قامت زغداها فى كتفها قبل ماتمشى .
طب اشبع بيها بقى .
نيره اتالمت بضحك وهو فتح بقه بدهشه من تصرفها وهو متابع خطوتها وهى بتمشى .. لكنها اللتفت تانى تساله بخبث
طب معلش بقى ..انا كنت عايزه اسألك هو لى اا “عاصم وبدور” بطلوا مايجوا هنا
حربى بصفو نيه
عادى يعنى “بدور” اساساً مابتطلعش كتير و” عاصم ” تلاجيه دلوك مشغول لشوشته فى الوكاله
نورا بفضول
وكالة ايه ؟
جاوب هو
وكالة الفاكهه بتاعة عمى . . دى حتى جريبه من هنا بعد شارعين بس .
اتكلمت هى بفرحه كبيره
طب عن اذنكم بقى انا ماشيه .. مش عايزه ابقى عازول
قالتها ومشيت بسرعه .. حربى نظر فى اثرها بذهول و” نيره ” وهى بتدلك على كتفها قالت
ضربتها واعره ويدها تجيله
اللتفت لها حربى بشقاوه
جاتها ضربه فى يدها
ضحكت تانى بكسوف وبعدها افتكرت
البرتكانه صح
فينها اللى انتى عايزاها
الكبيره اللى فوج دى
