الفصل الثالث و العشرون من رواية قيد حب للكاتبة شيماء سعيد

أتسعت عينيها بغضب مردفة:

_ أنت تقصد بكلامك ده إيه بالظبط؟!..

بجدية أجابها:

_ ولا حاجة أنا هطلع برة الدكتورة هتدخل تكشف عليكي مش عايز أسمع منك كلمة واحدة لحد هي ما تمشي..

رفضت بحركة من رأسها وقالت:

_ مش عايزة دكاترة أنا هبقى كويسة لوحدي..

أبتسم بمكر وقرص أنفها ثم قال:

_ طالما ده اللي هيريحك هطلع امشيها؟!..

اندفعت بغضب مردفة:

_ يعني إيه هتسيبها تمشي من غير ما تطمن عليا؟!..

ماذا يفعل معها ؟!.. لا يعلم والله، نظر إليها بطرف عينه وقال:

_ يعني أنا هخاف عليكي وأحس بيكي أكتر من نفسك؟!..

حدقت به بذهول ليكمل بنبرة عادية:

_ مش أنتِ حاسة إنك كويسة يبقى ملهاش لازمة…

يستحيل كيف هذا مصطفي يخشي عليها من الهواء، حدقت به بحزن وقالت:

_ لأ أنا مش كويسة أنا بطني بتوجعني..

قالتها من هنا وانفجرت بالبكاء من هنا، أقترب منها بلهفة وضمها إليه مردفاً:

_ بس يا حبيبتي الف سلامه عليكي هتبقي كويسة متخافيش أنا جنبك، ريم دخلي الدكتورة..

دلفت الطبيبة لتحدق به بحزن طفلة صغيرة ثم همست:

_ رجعني لماما محدش بيخاف عليا الا هي، لكن أنت طلعت واطي أوي يا مصطفي..

كتم ضحكته وقام من مكانه مشيراً إلي الطبيبة:

_ طمنيني عليها..

دقيقتين وقالت الطبيبة ما يجعلها تغلق عينيها بخجل:

_ المدام ما عليها قاصر، بس تتدلع وتعرف قدرها عندك…

أشار إلي الطبيبة بالخروج ثم جلس بجوارها وقال:

_ لو كنتي اتصلتي بيا وقولتي إنك عايزة تشوفيني مش كان هيبقى أحسن..

لو الأرض انشقت وابتلعتها الآن سيكون أفضل حل اليها، حركت رأسها برفض وقالت:

_ أنا عايزة أرجع لماما..

_ وماله نرجعك لماما.. المهم إنك تكوني راضية ومرتاحة..

_____ شيماء سعيد عبده _____

بعد ساعات قليلة..

بطائرة خاصة سألها بعد الجلوس:

_ ها مرتاحة ؟!..

تلك الكلمة أصبحت مستفزة جداً إليها، أومات إليه بغيظ مردفة:

_ أيوة الحمد لله..

جلس بجوارها ثم أخذ نفسه براحة مردفاً:

_ طيب كويس أنا ميهمنيش والا راحتك..

يا الله مستفز، أبعدت عينيها عنه بضيق قائلة:

_ شكراً..