الفصل السادس من نوفيلا سطا العشق بقلم زكية محمد

أردف بكره :- أنا سيبتها علشان مبقيتش بطيق المكان اللي انتي فيه بقيت بقرف منك صدقيني فأوعي خيالك المريض يهيئلك إني لسة بحبك تبقي غلطانة أوي أنا لو يصرحولي بموتك مش هتأخر .
ثم أردف بوقاحة :- إطلعي برة ورايا شغل ومش فاضي لأمثالك .

كورت قبضتها بقوة و ألسنة اللهب تتصاعد بداخلها ومن ثم استدارت وفتحت الباب و غلقته بعنف ورحلت وهي تنفث الدخان المتصاعد من أذنيها بغضب حارق و هي تتوعد له برد كرامتها المهدورة على يده ..

صعدت لسيارتها وهي تتنفس بغضب شديد ثم أخرجت هاتفها وأجرت اتصالا هاتفيا وبعد أن أجاب هتفت بضجر :- انت فين عاوزة أقابلك ضروري ..
….ماشي خلاص خمس دقايق و أكون عندك.

وصلت للمطعم بعد دقائق معدودة ودلفت وهي تكاد لا ترى أمامها من فرط الغضب حتى رأته يجلس في أحد الجوانب فتوجهت ناحيته مباشرة وجلست على المقعد قبالته قائلة بضجر :- Hi حسام أزيك …

هتف بهدوء وهو يطالعها بتعجب قائلاً :- Hi نهلة إيه مالك بتطلعي دخان من ودانك كدة !

أردفت بغيظ :- زياد هو في غيره ..

أردف بضحك :- هو لسة منفضلك !

جزت على أسنانها بغيظ قائلة :- إيه لسة منفضلي دي كمان ما تتكلم عدل .

حمحم بهدوء قائلاً :- قصدي يعني إنه لسة زعلان من الموضوع إياه ما انتي غلطانة لما دخلتي الرهان مع البنت دي و ضيعتيه من أيدك ..

أردفت بغيظ :- أنا محدش يتحداني و أقف ساكتة كنت فكراه هلاقيه زي ما هو بس لقيته متغير ١٨٠ درجة .
أردف بعتاب :- ما دة ردة فعله الطبيعية ولا انتي عاوزاه يعمل إيه يعني ؟! طبيعي أنه ما يكونش زياد الطيب اللي انتي كنتي حطاه زي الخاتم في صباعك.

أردفت بغيظ و حنق :- بقولك إيه هو انت معايا ولا معاه ما تخلص تلاقيلي حل للمشكلة دي ..

حك مؤخرة رأسه بتفكير قائلاً :- قولي انتي عاوزة إيه وأنا معاكي …

هتفت بغل :- عاوزاك تخلصني من البنت اللوكال اللي خطبها دي بأي شكل .

ضيق عينيه بدهشة قائلاً :- لوكال وخطيبته و زياد امتى دة حصل ؟

أردفت بضجر :- قبل ما تشرف سيادتك من هولندا ها هتساعدني ولا هتقعد تتفاجئ كتير ..

هز رأسه بنفي قائلاً :- لا لا طبعاً هساعدك ها في حاجة في دماغك ولا نتكتك مع بعض ؟

نظرت له بتمعن وقد بدأ الشيطان يوسوس لها بأقذر الأفعال ثم بدأت تقص عليه كل شئ تعرفه عن تلك الفتاة وبعد أن انتهت هتف هو بتفكير :- يعني البنت اللي خطبها دي من الصعيد وعمها عاوز الورث بتاعهم وهي معاها أخوها واللي في نفس الوقت نقطة ضعفها امممممم…..