الفصل الثاني من رواية دموع هواره للكاتبة لولو الصياد

دموع… اني رايده اكمل علامي

نظر لها رحيم لثواني بتركيز

وقال…

رحيم… عمي حدتني في الحديت ديه جبل سابج

دموع… ابوي جالي انك جولتله هتجلبها في رأسك وبعديها تجول رايك

رحيم..بتاكيد.صوح

الجدة…بتساؤل… اتي رايده تتعلمي يا دموع

دموع….بأمل… امنيه حياتي يا ستي اكمل علامي كيف ما كانت أمي رايده

الجدة… وهي تنظر إلي رحيم

الجدة..وكانت عيون الجدة ترجوه أن يوافق…..

الجدة….. وانته يا ولدي جولت ايه

نظر رحيم الي الجدة وبعدها نظر الي دموع التي أنزلت عيونها سريعا خجلا منه

رحيم… اني موافج يا دموع

دموع بابتسامه فرح… كتر خيرك يا واد عمي

أشار لها رحيم برأسه وقبل رأس جدته وألقي السلام وخرج

الجدة…. بابتسامة لحفيدتها

الجدة…. بجيتي مرتاحه دلوك صوح

دموع وهي تحتضن جدتها بفرج…

دموع… جوي يا ستي جوي

………

بينما علي الجانب الآخر

كانت ليالي تجلس امام وائل بإحدى الكافيهات وتشعر بالسعاده لأنه واخيرا وافق على مقابلتها

ليالي… بجد كنت خلاص يئست اننا نتقابل

وائل ببرود

فهو شاب في 26 من العمر لديه 5 اخوه من أسرة متوسطة كان وسيله التسليه له هي البنات علي الانترنت وكانت من ضمنهم ليالي التي كانت بسذاجتها كالعجين بين يديه حتي انها بمساعدة إحدي صديقاتها حصل علي وظيفه في إحدى البنوك ولكن بالنسبه له مهمتها انتهت حاول بكل الطرق أن يوصلها

إليها ولكن هي عمياء بحبها إليه لا تري سوى أنها تحبه فقط لاترى معاملته السيئه لها وإهماله لها وعدم رده عليها كانت كلها طرق للهروب منها ولكن لم يجد فائده فقرر مقابلتها الان لإنهاء كل شيء

وائل… أظن أن فعلا هتيئسي لأن دي اخر مقابله بينا

نظرت له ليلي بصدمة

ليالي… تقصد ايه

وائل… اقصد انه خلاص انا زهقت منك ومش عاوز اكمل معاكي واني هخطب قريب بنت عمتي

ليالي بحزن.. ياه بسهوله كدة يعني انا اساعدك تتعين وتكون نفسك وأنت تتجوز واحده تانيه

وائل…. بسخرية… ايه هو انتي كنتي مفكرة اني ممكن اتجوزك

ليالي… امال كنت بتكلمني ليه

وائل… كنت بتسلي وأظن انك لو بنت محترمه مكنتيش كلمتيني من الاول وقابلتيني وبعتيلي صور ليكي اضمن منين اني مش اول واحد

ليالي بدموع وحده… أخرس انا اشرف منك

وائل وهو ينظر لها بسخرية ويقف ويخرج من جيبه بعض الأموال ويرميها علي الطاوله

وائل…. اتمني مشفيكيش تاني والا هتندمي وصورك اللي معايا هتحتفظ بيها لوقت عوزه يمكن تقلي عقلك وتعملي حاجه