الفصل السادس من نوفيلا سطا العشق بقلم زكية محمد

ابتسمت بمرار لتلك الكلمة و أردفت بتهكم :- ما بلاها خطيبي ومش خابرة إيه إحنا هنضحك على بعضينا ولا إيه ! دي تمثلية وقريب قوي هتخلص وكل واحد هيروح لحاله هو انتي ناسية أنه عمل إكدة شهامة منه عشان يخلصنا من عمي .

نظرت إليها بأسى فهي محقة تمام الحق في ذلك ولكنها أردفت بتفكير :- طيب انتي إيه اللي مضايقك في الموضوع مش انتي عاوزة واحد يساعدكم وخلاص ! متضايقة ليه دلوقتي ؟

نظرت لها بتوتر قائلة :- أاا….عشان …. أنا…مش..متضايقة يا خالة من حاچة …انتي بس متهيألك ..
هتفت بهدوء :- حبيبتي إحنا بقينا صحاب مش كدة وكمان جيران لينا فترة وبقيت حفظاكي زي بناتي قوليلي بقى إيه اللي مزعلك ؟

نظرت لها مطولاً ثم هتفت بابتسامة وجع :- دايما كنت بقول لحالي أني مش هتچوز إلا لما يكون شبه أبوي الله يرحمه في حنيته و حبه لأمي بس ….بس اللي حصل إني … إني…..
صمتت قليلاً وتعالت أصوات شهقاتها التي ملئت المكان فأردفت زينب بتشجيع :- إنك إيه …؟

تساقطت دموعها قائلة :- إني بقيت بحب الچدع دة اللي اسمه خطيبي مكنتش رايدة دة واصل يحصل وخصوصاً أنه عمل إكدة بس عشان ينچدنا من عمي .

أردفت بابتسامة بلهاء :- يعني انتي مقطعة روحك من العياط عشان بتحبي خطيبك ! طيب ما دة اللي لازم يحصل ولا إيه الحكاية !

أردفت بضيق :- انتي مش فاهمة أيوتها حاچة واصل يا خالة .
أردفت بتعجب :- طيب فهميني انتي ..

صمتت قليلاً ثم أردفت بخفوت :- أصله هو …هو بيحب البت اللي حكتلك عنها قبل سابق وأنه بس عمل إكدة عشان يغيظها مش أكتر ولا أقل .

اقتربت منها و ربتت على كتفها بحنو قائلة :- حبيبتي أنا عارفة انتي بتفكري في إيه وحاسة بإيه بس سيبي كل حاجة تاخد مجراها متيأسيش من الأول كدة إن شاء الله خير وبعدين كل حاجة في إيدك انتي . انتي اللي بأيدك تخليه يحبك زي ما انتي بتحبيه بس انتي اتحركي شوية .

قطبت حاجبيها بتعجب قائلة :- اتحرك كيف يعني ؟!

أردفت بهدوء :- يعني مثلاً تغيري من لبسك دة اه الحزن في القلب بس يعني لازم تقلعي الأسود دة اللي انتي علطول لبساه وتقلعي نضارتك دي اللي أكلة نص وشك أنا مش عارفة يا ناس في واحدة لون عيونها أزرق طبيعي تداريه !

أردفت بضيق :- بس يا خالة مقدرش اعمل إكدة أبوي قالي متقلعيش النضارة واصل وانتي برة البيت أنا نظري مش ضعيف بس دي كانت أوامر أبوي الله يرحمه .
هتفت بمرح :- بصراحة عنده حق الله يرحمه يعمل كدة وإلا كان أخوكي ق/تل نص شباب البلد ..طيب يا ستي على الأقل غيري الأسود ألبسي ألوان هادية .