الفصل الثالث من رواية عشق لم يسطو بعد بقلم زكية محمد
الفصل الثالث عشق لم يسطو بعد
طالعها بنظرات حانقة قائلا بغضب:- أقسم بالله لو مالمتيش لسانك هقوم أقطعه بت ما عدتش عليها تربية ولا ضرب ولا نيلة نافع معاكي.
هزت رأسها بضيق قائلة :- خلاص آسفين يا سيدي اتكلم.
هتف موضحا :- إنتي هتروحي علي فيلا في 6 أكتوبر في القاهرة بصفتك خدامة. …
كشرت عن أنيابها حينما نهضت ووضعت يدها في خصرها قائلة :- نعم يا عمر مين دي اللي خدامة؟
نهرها بعنف قائلا :- اخرسي واترزعي خليني أكمل كلامي. .
هتفت بإعتراض :- لا يا أخويا قال خدامة قال.
صاح بغضب أخافها :- لما أقول تترزعي يبقى تترزعي وما اسمعش صوتك انتي سامعة بدل ما إنتي عارفة هعمل إيه؟
جلست ببعض الخوف من أن يضربها كعادته فأكمل حديثه :- هتروحي هناك بصفتك خدامة في العلن بس في الدرا هتشتغلي جاسوسة ليا تجيبيلي معلومات وكمان سلا\ح الظابط اللي عايش هناك.
هتفت بعدم تصديق وذهول:- إيه؟ ! عاوزني اعمل إيه؟ إنت بتهزر صح؟
هتف بضجر:- ما بتنيلش بهزر. عاوزك تجيبيلي دبة النملة اللي بتحصل هناك خصوصا الظابط اسمه إياد وهوريكي صورته ومعلومات عنه.(بقلمي زكية محمد ) قدامك شهر بالضبط تنفذي اللي قلتلك عليه وتيجي ولا من شاف ولا من دري.
هتفت بغضب:- يا سلام يا أخويا ما تروح إنت تعمل كدة عاوز تلبسني مصيبة لا ومع مين مع ظابط يا حلاوة. .
نهض من مكانه بغضب وجذبها من زراعها بعنف قائلا بغضب:- بت إنتي هتظبطي معايا ولا أعدلك هتروحي ورجلك فوق رقبتك، سامعة؟
أردفت بألم :- لا مش سامعة ومش هعمل اللي إنت بتقول عليه إستحالة أوسخ نفسي بعمايلك دي. …
صفعها بقوة أوقعتها أرضا قائلا بغضب:- كلامي يتسمع يا روح أمك واتقي شري أحسنلك.
وضعت يدها علي وجنتها قائلة بتحدي :- لا بردو مش هروح إضربني زي ما إنت عاوز بردو مش هروح.
جز علي أسنانه بغيظ من تلك الفتاة العنيدة ولكنه سرعان ما إبتسم بخبث قائلا :- بقي مش هتروحي! ! امممم ماشي أنا هخليكي تقولي حقي برقبتي.
قال ذلك ثم توجه لغرفة والدتها فسرعان ما دب الذعر بداخلها فنهضت خلفه بسرعة وجدته دلف الغرفة ومعه مسد\س قام بتصويبه علي آية قائلا بخبث :-
ودلوقتي يا حلوة ها إيه رأيك أطيرلك رأس أمك وتترحمي عليها؟
ركضت ناحيته بذعر ووقفت أمامه قائلة :- لا لا يا حمدي ما تعملش كدة بالله عليك لا لا
إبتسم بخبث قائلا :- ماشي يا حلوة لو مش عاوزة تترحمي علي الست الوالدة يبقي تنفذي المطلوب وامك هتقعد تحت عيني علشان لو حصل غدر كدة ولا كدة ساعتها أقريلها الفاتحة.
