الفصل الثالث من رواية عشق لم يسطو بعد بقلم زكية محمد

هزت رأسها بسرعة تقول :- ححاضر يا حمدي هعمل اللي إنت عاوزه بس إبعد عن أمي الله يخليك.

أنزل سلا\حه قائلا :- ماشي يا حلوة كدة متفقين من بكرة الصبح هاخدك لهناك كل حاجة تحصل هناك تقوليهالي دورى عن ملفات شغله أي حاجة تخصه تجيبيلي أخبارها أول بأول مفهوم.

هزت رأسها بضعف قائلة :- ماشي بس بس. .
قاطعها قائلا :- بس إيه رجعتي في كلامك تاني؟

هتفت مسرعة:- لا لا بس يعني إفرض مش عاوزين شغالة هتعمل إيه؟

أجابها ببساطة :- لا يا حلوة دى شغلانتك إنتي شوية سهتنة بنات من هنا علي شوية دموع تماسيح من هنا علي قصة درامية وهتظبط معاكي متقلقيش، ها حاجة تانية؟

أجابته بغيظ :- لا

أردف ببسمة إنتصار :- حلو كدة يبقي إستبينا هسيبك دلوقتي تودعي أمك قبل ما تمشي. .

هتفت برجاء:- بلاش يا حمدي مين هياخد باله من أمي حرام عليك دي ملهاش غيري.

أجابها بهدوء:- في دي ما تشليش هم هجبلها ممرضة لحد ما الشهر يخلص شوفتي أخوكي حنين إزاي؟ إتشطري انتي بس واعملي اللي قلتلك عليه.

قال ذلك ثم غادر الغرفة مسرعا وتبعته والدته أما هي جلست الي جوار والدتها والتي تنظر لها بدموع وعدم فهم لما يجري.

ألقت بنفسها داخل زراعيها قائلة بدموع :- ماتخافيش يا أما انا لا يمكن أخلي حاجة تحصلك تاني …

ولكن والدتها لم تريد أن تسمع لذلك بل كانت بحاجة لشرح لما يجري ، وكأنها تقرأ ما بداخلها فسرعان ما قصت عليها ذلك الإتفاق الذي أخبرها به حمدي ومساومتها بوالدتها حينما رفضت. …

أخذت تهز رأسها بعنف وحاولت ان تتحدث ولكنها لم تستطع فهتفت شجن ببكاء :-
إهدي يا أما أرجوكي ماتخافيش عليا بس لازم أعمل كدة والا هيأذيكي وأنا مش هقدر أعيش من غيرك بالله عليكي يا أما ما تزودي الهم. إدعيلي بس ربنا يسهلها معايا أنا عارفة إنه غلط بس غصب عني والله غصب عني.
رفعت يدها السليمة بصعوبة ووضعتها علي رأسها وأخذت تمسد عليها بحنان داعية الله بأن يمر الأمر بسلام. ….

☆☆☆☆☆☆☆☆☆☆☆☆☆☆☆☆☆☆

كانت همس تجلس الي جوار رحمة التي لم تكف عن الضحك قائلة :- يا كسفتك يا حمزة. لا بقولك إيه لازم تستري علي أخويا وتتجوزيه بعد ما أتكشف عليكي كدة.

ضربتها علي رأسها بالكتاب قائلة :-يا رخمة أتجوزه في عينه. قال أتجوزه قال دة قليل أدب وبارد ورخم وسيرته بتعصبني .

ضحكت قائلة :- خلاص خلاص ولما إنتي بتتعصبي كدة بتتكلمي عنه ليه ها؟