الفصل الثالث من رواية عشق لم يسطو بعد بقلم زكية محمد

نهضت من مضجعها وجلست نصف جلسة ثم إلتقطت الهاتف وقامت بالإتصال بإيمان التي أتاها الرد قائلة بلهفة:- بيبة حبيبتي عاملة إيه دلوقتي؟

أجابتها بصوت متحشرج :-الحمد لله كويسة. بصي أنا هسبقك علي المستشفي وأبقى اقابلك هناك.

سألتها بحذر:- طيب إنتي كويسة يعني؟

تنهدت بعمق قائلة :- اه كويسة يا إيمان متخافيش يلا سلام علشان ما اعطلكيش.

قالت ذلك ثم أنهت معها المكالمة ثم نهضت وتوجهت للحمام لتغتسل.

♡♡♡♡♡♡♡♡♡♡♡♡♡♡♡♡♡♡♡♡♡

يجلس علي الاريكة يدخن بشراهة ويتطلع أمامه بنظرات بها لهيب وغل وحقد فقد خسر صفقة تقدر بملايين بسبب ذلك الضابط اللعين الذي لن يكفي موته في سبيل تحقيق إنتقامه منه.
أتت والدته وجلست الي جواره وتحدثت برفق :- وبعدين معاك يا حمدي هتقعد كدة زي الولاية؟

هتف بغل :- مين قالك إني قاعد زي الولاية أنا مرقدله علي القاضية.

سألته بعدم فهم :- ودي هتعملها إزاي؟

زفر دخان السيجارة قائلا :- قومي ناديلي الزفتة المتلقحة جوة دي؟

قطبت حاجبيها قائلة بدهشة :- ودي هتعمل بيها إيه؟

هتف بضجر :- يا أما لما تيجي هتعرفي.

نهضت من مجلسها ثم توجهت للغرفة التي تمقت قاطنيها. مصمصت شفتيها بضيق ثم طرقت الباب. ..

كانت شجن تدلك قدمي والدتها كما أخبرها الطبيب. توقفت حينما سمعت طرق علي الباب فتوجهت وفتحته ففوجئت بزوجة أبيها فقالت :- خير يا مرات أبويا مش عوايدك جاية تطقري علينا كدة، إيه جاية تشوفي درتك.

نظرت لها بغيظ قائلة :- متحلميش كتير يا بنت آيه وغوري كلمي أخوكي عاوزك.

هتفت بتعجب :- عاوزني ليه؟ يا ما جاب الغراب لأمه.

هتفت بغيظ :- ما اعرفش لما تروحي هتعرفي وأهو بالمر يقطعلك لسانك دة.

قالت ذلك ثم طالعت آية طريحة الفراش بنظرات كره وتشفي ثم رحلت. إستدارت شجن وقالت لوالدتها بحنان :- هروح أشوفه عاوز إيه وآجي علطول يا جميل مش هتأخر عليكي.

قالت ذلك ثم خرجت وغلقت الباب خلفها بهدوء ثم توجهت للصالة فوجدتهم جالسين فهتفت بخفوت :- الشيطان والعفريتة متجمعين ليه كدة إستر يارب.

إنتبهوا لوجودها فهتف بهدوء:- إقعدي. .

جلست كما طلب منها ونظرت له بترقب بينما أخذ نفسا عميقا ثم نظر لها بتمعن قائلا :- عاوزك في مصلحة.

أردفت بتعجب:- مصلحة إيه دي؟

أجابها بهدوء:- عاوزك تروحي مكان كدة وتجيبيلي منه حاجة معينة.

سألته بترقب وقلق :- مكان إيه دة؟ وحاجة إيه ما توضح كلامك بدل ما إنت ماشي بالألغاز كدة.