الفصل السابع من نوفيلا سطا العشق بقلم زكية محمد

قاطعه قائلاً بصياح :- بردو هيقولي آنسة بقولك مراتي …مراتي إيه ما بتفهمش ..

تراجع للخلف بخطوات بطيئة قائلاً :- أاا…. أنا آسف يا أفندم مكنتش أعرف كدة بعتزرلك يا آنسة..قصدي يا مدام بعد إذنكم.

غادر مسرعاً بينما قبض هو على ذراعها بغيظ وسحبها خلفه للداخل بينما تعالت هي دقات قلبها بصخب قائلة بخوف :- فففارس…

هتف بهمس قاتل :- ما اسمعش نفسك خالص .

رضخت لهمسه والخوف يأكلها بالداخل وما إن دلف بها وجد والدته بوجهه التي هتفت بقلق :- في إيه يا ولاد مالكم ؟

أردف بغيظ :- أبداً مفيش يا ماما باركي لحبيبة أصل جالها عريس شوفتي الهنا اللي أنا فيه !

ضحكت بخفوت وهتفت بمرح :- طيب يعني هي تعمل إيه مش ذنبها إن شكلها صغير وقمر . ثم أضافت بضحك مكتوم :- أومال هتعمل ايه لو عرفت أن دولت هانم طلبتها لابن أخوها ..

أردف بحدة :- لا والله حلو أوي الهبل دة لا أنا أقعد النهاردة أعد للعرسان بتوعها بقى ..
ثم وجه حديثه لحبيبة قائلاً بصرامة :- بت إنتي هتفضلي كدة جنبي لحد ما نمشي و ممنوع منعاً باتاً إنك تكلمي راجل يستحسن متتكلميش حد أصلا يلا قدامي .

قال ذلك ثم دفعها برفق أمامه ثم جلسا سويا إلى جوار بعضهم ثم قام بمحاوطتها بذراعه كي يلعن للجميع أنها ملكه هو فقط ولا أحد سواه .
End of flash back

زفر بضيق وهو يتمتم بكلمات غير مفهومة ولكنها توحي بغضبه الذي لو تجسد لأطاح بالحاضرين بينما زفرت هي بغيظ و حنق منه فهتفت بمحايلة :- طيب هروح أشوف الولاد مراد أكيد بيعيط دلوقتي .

أردف بإصرار:- ماما هتتصرف و عمتو أكيد يعني مش هيسبوه يعيط ولو غلبوا معاه هيحبوه لحد هنا .

جزت على أسنانها بغيظ و ودت لو تصرخ في وجهه ولكنها كانت ذلك بداخلها وظلت تراقب الوضع بصمت .

كانت تقف تهز قدميها بعصبية وهي تنتظر قدومه وما إن أتى هتفت بغضب مكتوم :- كل دة تأخير سيادتك .
هتف بهدوء :- سوري يا baby إتأخرت على ما جبت الحاجة .

أردفت بلهفة :- ها جيبت اللي قولتلك عليه ؟

أخرج من جيبه علبة من الحبوب قائلاً بإبتسامة خبيثة :- عيب عليكي يا روحي خدي أهو والباقي عليكي .

إلتقطت العلبة و أردفت بمكر :- كدة انت تعجبني أوي يا حس .

أردف بضحك :- طيب أنا هخلع بقى علشان محدش ياخد باله تشاو يا بيبي .

قال ذلك ثم رحل مسرعاً بينما توجهت هي بخبث أمام طاولة العصير وقامت بوضع ثلاث حبات قائلة بتشفي :- يلا خلينا نتفرج و أهو نتسلى بالعرض اللي هتقدمهولنا الفلاحة .