الفصل الثالث عشر من رواية ست الحسن الجزء الثاني للكاتبة امل نصر

طب و البت” نهال ” فين؟

ردت عليها وهى خارجة من غرفة الاطفال بابتسامة مالية وشها :

انا هنا ياما .. اي ده انتى جبتيلنا فطار؟ تسلميلى ياست الكل.

قالت الاَخيرة وهى بتبوسها فوق دماغها .

ايوه يااختى ماانا عارفاكى خايبة وبتقومى متأخر واختك تعبانة ربنا يقومها بالسلامة.. امال جوزك فين؟

خرج ” مدحت ” يرد عليها محرج وهى بيمسح بطرف صوابعه على شعره .

صباح الخير يامرة عمى .

نعمات بضحكة ظهرت أخيراً ولاحظها عاصم :

ياصباح الهنا والفل على عيونك يادكتور .. اجعد ياولدى دا انا عملتلك احلى فطير بالسمن البلدى يفتح نفسك .

نهال وهى بتشيل فى الغطا:

دا صح يا” مدحت ” .. الفطير شكله يجنن وهو سخن.

عاصم بغضب مكتوم :

ايه يامرة عمى مش هاتدخلى تشوفى” بدور “؟

نعمات وهى بتهوى بايديها على وشها :

ياولدى باخد نفسى شوية يعنى هى طارت على ” بدور ” ماانا لسة هاجعد معاها اليوم كله .

رد عليها بصدمة :

اليوم كله مرة عمى ؟

ردت عليه نهلة:

ايوة .. ابويا جال ماتسيبوش ” بدور ” خالص طول ماهى عيانة .

مط بشفايفه من غير ما يجرؤ على الرد.. عيونه راحت على ” مدحت ” اللى كان بيفطر لاقاه بيبتسم له بمغزى

ويندهله :

تعالى افطر ياعاصم .. دا الفطير بالعسل بجنن .

…………………………….

يعنى الشقة دى بتاعة ” معتصم ” ؟

سألها ” وائل ” بصدمة .. والرد خرج من والده بمنتهى الغرابة :

شوفت بقى ياعين امك العريس اللى كنت عايز تطيروا من ايد اختك ؟ طلع جدع ازاى مع ابوك ؟

كان بيهز براسه بعدم استيعاب

انت ازاى تقبل حاجة زى كده ياوالدى ؟ازاى تسكن فى شقة واحد الله اعلم فلوسه دى جايبها منين ؟

جايبها من الاثارات وفيها ايه ياعنى ؟

قالها بسهولة جعلت ” وائل “يبرق مندهش فكمل

مالك ياخويا مستغرب ليه ؟ وهى الاثارات وحشة ؟ دى كنوز خارجة من الارض ملهاش صاحب .. يعنى احنا بنسبنا ليه هاينوبنا من الحب جانب ..وهانودع حياة الفقر والمرمطة .. فهمت يااهبل .

حاول يسيطر على اعصابه فى الرد عشان يتجنب غضبه

طب ممكن تسمعني وتعرف الموضوع اللى عايز اكلمك عليه ؟

رد بتناكة :

قول يااخويا واشجينى.

بلع ريقه وهو بيشجع نفسه :

شوف ياولدى انا عايز تروح معايا نتقدم ل” هدير ” اخت عبد الرحيم ….