الفصل السادس والعشرون من رواية عشق لم يسطو بعد بقلم زكية محمد

تقلصت ملامحها بضيق من وصفها إياها علي الرغم من إنها محقة تمام الحق فيما تقول بينما أكملت زينب قائلة :-
وأهم حاجة بقي خليكي تقيلة كدة ومتخسريش كرامتك قصاد حبك متعمليش أي حاجة تخليكي تخسريها.

هزت رأسها بحزن قائلة:- حاضر يا طنط.

ربتت علي كتفها قائلة بحنو :- يحضرلك الخير يا حبيبتي. ربنا يعلم دخلتي في قلوبنا وحبناكي قد إيه من وقت ما جيتي.

هتفت بإبتسامة:- وأنا كمان يا طنط بحبكم أوي وهبقي أجي ازوركم كتير.

هتفت بهدوء:- ربنا يسهل يا بنتي. يلا بقي قومي ريحي علشان مشوار بكرة.

أومأت لها بهدوء ثم نهضت وهتفت :- تصبحي علي خير.

هتفت بإبتسامة :- وأنتي من أهل الخير يا حبيبتي.

هتفت هدي بمرح :- ايوة. ..أيوة خدي الحب كله لوحدك يا ست بيبة وانا قلقاسة أهي أهي.

هتفت زينب بغيظ:- هتمشي ولا أقلعلك الشبشب.

فرت من أمامها وهي تقول :- تصبحي علي خير يا زينبو.

ضحكت حبيبة بخفوت ثم لحقت بها بينما إبتسمت هي عليهن وتمددت علي الفراش إستعدادا للنوم .

♡♡♡♡♡♡♡♡♡♡♡♡♡♡♡♡♡♡♡♡♡

صبيحة اليوم التالي كان يقف أمام الطبيب يستعلم عن حالته فأخبره بإن المريض إستيقظ إثر الغيبوبة التي كان يمكث بها. وبإمكانه التحقيق معه .

أومأ له بخفوت ثم دلف للداخل وغلق الباب بعنف ثم توجه واقفا أمامه بغضب مكتوم ثم أخذ يتطلع إليه بتهكم قائلا :-
حمدا لله على السلامة. أخيرا فوقت!

نظر له بتوتر وخوف ، فجلب الأخير مقعد ووضعه بالقرب من فراشه ثم جلس عليه واضعا ساق فوق أختها ثم نظر له هاتفا بهدوء مميت :- ها إتكلم سامعك.

هتف بتلعثم :- أااا أتكلم اقول إيه؟

صاح بعنف :- إنت هتستعبط يا روح أمك. مين اللي عمل فيك كدة؟

هتف بتوتر:- شششجن يا باشا.

هتف بثبات:- ليه؟ إيه الدافع من إنها تعمل كدة؟

تلجلج في الحديث قائلا بكذب:- أااا ….طمعت في الفلوس وكانت عاوزة تاخدها لوحدها.

حك مؤخرة رأسه بهدوء ثم فجأة وضع أصابعه علي جرح بطنه يضغط عليه بقوة فصرخ الأخير بألم فهتف هو بتشفي:-
إتعدل معايا بدل ما اعدلك. أنطق أتكلم وقول الحقيقة. (بقلم زكية محمد )

هتف بوجع :- حاضر حاضر بس شيل إيدك يا باشا.

ضغط أكثر قائلا بقسوة:- والله إنت في إيدك تنقذ نفسك …..ها سامعك.

هتف بألم :- أخوها. ….أخوها يا باشا السبب هو اللي خطط لكل دة.

هتف بغضب :- عمل إيه؟

هتف بخفوت ووجع:- هو. .قالنا نخطف شجن وأمها واجيبها الشقة عندي وتكلم البنت تقولها تيجي وبعدين تتصل. …تتصل بيك تقولك روح لاختك علشان تكسرك وتبعدوا عنها وتترمي في الشارع.