الفصل السادس و الثلاثون من رواية جراح الروح للكاتبة روز امين

نظرت لها عايدة ورددت ٠٠٠ عقبال ما ربنا يتمم لك بخير إنتِ وعبدالله وبعدها أشوف عوضك وأشوفكم إنتِ واخواتك متهنيين يا نهله

أردفت قائلة بنبرة حنون ٠٠٠ ربنا يبارك لنا فيكِ إنتِ وبابا يا ماما ويرزقكم بركة العمر وخيرة

إقترب أسامه علي فريدة وقبلها فوق وجنتيها وأردف قائلا بسعادة وهو يعطي لشقيقته هدايا الصغيران ٠٠٠ مبروك يا باشمهندسه،،يتربوا في عزكم إن شاء الله

أجابهٌ سليم بحنان ٠٠٠ الله يبارك فيك يا باشمهندس

وأكملَ محفزاً إياه ٠٠٠إتشطر بقا في الهندسه وشد حيلك،،كليتك صعبه ومحتاجه شغل ومجهود كبير ،،وإن شاء الله مكانك محفوظ معايا أنا وفريدة

أجابهُ أسامه بنبرة حماسيه ٠٠٠ أكيد بعد كلامك ده هذاكر بجديه وأخد السنه من أولها بحماس إن شاء الله

أما مراد فكان يقف بجوار حوريتهِ الجميلة محاوطً إياها بذراعهِ الموضوع فوق كتفها بحنان،،تحدث بجانب أذنها مما جعل القشعريرة تصيب جسدها بالكامل ٠٠٠ عقبالنا يا حبيبي

نظرت له ثم تحسست أحشائها التي تحوي جنينها الذي تم شهرهٌ الثاني وتحدثت بنبرة متشوقه ٠٠٠ يارب يا مراد،،مشتاقه أوي إني أشوف إبني ،،يا تري هيكون شكله أيه ؟؟

ضيق عيناه وتساءل ٠٠٠ وإنتِ مين اللي قال لك إنه هيكون ولد ؟

أجابته بيقين ٠٠٠ أنا دعيت ربنا إنه يكون ولد وإن شاء الله ربنا هيستجيب لي

وأكملت بنبرة عاشقه ٠٠٠ ونفسي كمان يكون شبهك وياخد نظرة عيونك وطيبة قلبك وحنيتك اللي ملهاش مثيل،،نفسي إبني يكون شبهك في كل حاجه يا مراد

كان يستمع لها بقلبٍ ينبض بعشقها وذائب بغرامها وتساءل ٠٠٠ للدرجة دي بتحبيني يا ريم ؟

وأكتر يا مراد ،،حبك تخطي جوايا كل الحدود ، ،،كلمات قالتها ريم بنبرة صوت عاشقه

وأثناء حديثهما إقتربت منهما هناء وتحدثت بسعاده وهي تٌمسك بكفي يداهما معاً ٠٠٠ عقبال ما البيبي بتاعنا يوصل بالسلامه وينور دنيتي كلها

تحدثت إليها ريم متساءلة بنبرة رقيقة ٠٠٠ ياتري نفسك في ولد ولا بنت يا ماما ؟؟

إبتسمت لها هناء وأردفت قائلة بنبرة حَنون ٠٠٠ كل اللي يجيبه ربنا خير يا بنتي،،أهم حاجة الخِلقه الكاملة والصحه

ثم نظرت إلي مراد وتحدثت بنبرة حنون ٠٠٠ هو أنا كنت أتخيل إن مراد يريح قلبي ويتجوز وكمان ينور دنيتي أنا وابوة بأولاده