الفصل الرابع والعشرون من روايه روضتنى بقلم اسماء المصرى
الفصل الرابع والعشرون روضتنى
ردت خديجة بعفوية:
-عمر حكالي عن حالته، اظن هيحتاج وقت على الجرح ما يلم.
اكفهر وجهها بالدهشة فسألتها:
-جرح؟!
أومأت لها وهي تعقب:
-الرصاصة بتاخد وقت على جرحها ما يلم، مش بتخف بسرعه وكمان بتسيب أثر.
أطرقت نظرا تها أسفلا وهي تشعر بالذعر من مجرد تعرضهما لأطلاق نيران ادى لإصابة مازن، وربما كان فارس المقصود كالمرة الماضية؛ فبكت وهي تهمـ ـس:
-مش هنرتاح ابدا، أنا مش عارفه امتى هنخلص من المشاكل ونعيش حياتنا زي الناس الطبيعية؟
ابتسمت لها خديجه وكأنها دعست على وجعها فعقت:
-وخلقنا الإنسان في كبد، ربنا خلقنا عشان نعافر كلنا وأحنا بنحاول نتمسك بايمانا وسط معافرتنا، الإنسان المرتاح ده ملوش شفاعه يوم القيامة زي اللي تعب وعافر.
تنهدت ببطئ ونظرت لثيا بها قائلة بإعجاب:
-لبسك شيك اوي يا خديجه.
ابتسمت لها ممتنة فأضافت اﻷولى:
-حتى فارس لاحظه وعلق عليه، تخيلي من ساعه ما اتعرف عليكم وهو تقريبا دايما بيحاول يلمحلي على الحجاب.
رمقتها بنظره لامعة ومتعجبة وهي تسألها:
-معلش في سؤالي، بس هو ايه اللي مأخرك عن الخطوة دي، اللي أعرفه عن فارس باشا انه متدين و….
ضحكت ياسمين فورا تقاطع حديثها وهى ترد:
-لأ مش اوي كده، هو بيحاول وأنا بصراحه متردده في الخطوة دي وعايزه اعملها لما أكون قادره عليها.
ردت خديجة ممتعضة:
-هو الفرض مفيهوش اقتنع واستعد والكلام ده كله، بس في النهايه القرار قرارك.
شعرت بالحرج من حديثها فسألتها:
-أنتي اتحجبتي امتى؟ أكيد بعد الجو از.
نفت برأسها وهي ترد:
-بالعكس، انا متحجبه من قبل حتى ما أعرف عمر، وحتى اخواته ومامته مش محجبات، بس هو ربنا هداه الحمد لله وبقى بيحاول يلتزم، ربنا يثبته بس وميرجعش للي كان فيه قبل الجو از.
تذكرت حال زو جها فإبتسمت وهي تعقب:
-تقريبا كلهم كانوا كده قبل الجو از، بس الحمد لله انهم بيتعدلوا بعد الجو از وإلا كان زمان الدنيا باظت.
ابتسمتا فطرق هو الباب دالفا بعد أن استأذن وهتف بجدية:
-الدكتوره جايه تكشف عليكي عشان تكتب لك خروج انهارده إن شاء الله.
وافقته بحركة رأ سها فأستأذنت خديجة وهي تقول:
