الفصل الرابع والعشرون من روايه روضتنى بقلم اسماء المصرى
الفصل الرابع والعشرون روضتنى
-نرمين اعترفتلي انها كانت بتتبلى على أنس في الموضوع اياه ده، واتفقنا هتعتذر له قدامكم وانا هعتذر لها على موضع الطاعه ده ونتصافى على كده، ومن اللحظة دي نفتح صفحة جديده مع بعض.
لم يفهم ما عليه فعله؛ فتردد بسؤاله ولكن كانت هي تلاحقة بالتبريرات قائلة:
-مالك وافق ياخدلي شقه بره بيت العيلة لاني مش مرتاحه فيه، وان شاء الله هروح معاكم انهارده لحد ما يشوف لنا شقه بره.
اومأ لها متماشيا معها بالرغم من عدم علمه ما يدور بخلدها؛ فتنهد ونظر لمالك الذي وقف ممـ سكا بهاتفه قائلا:
-ثواني اتصل بأنس وماما يطلعوا عشان يحضروا الكلام هم كمان.
التفت ينظر لها قائلا ببسمة:
-ما تقومي يا نرمو تعملي حاجه لأهلك يشربوها.
أومات ببسمة مصطنعة وتحركت للداخل تقوم بتحضير المشروب؛ فإستمعت لطرقات الباب وترحيب مالك بوالدته واخيه الذي جلس متجهم الوجه ينظر لعائلة غزال بترقب وتسائل بحيرة:
-في ايه؟
رد مالك فورا:
-أهل نرمين جايين عشان نتصافى.
نظر لهم بعدم ارتياح وظل صامتا حتى خرجت نرمين حاملة صنية المشروبات وناولتهم جميعا الواحد تلو الآخر كؤؤسهم حتى وصلت له؛ فنظرت له مبتسمة وهتفت برقة:
-اتفضل يا أنس.
تعجب من ملامحها الواثقة والمرتاحة؛ فزغر لها بعـ ينه يتوعد لها ولكنها لم تهتم بل اتسعت بسمتها غامزة له بإنتصار وجلست بزهو وشموغ هاتفة بترحيب:
-نورتوا والله.
ردت والدة مالك بضيق:
-ده احنا في بيتنا يا بنتي بترحبي بمين بس؟
أكدت حديثها بهزة من رأسها فتحدث مالك دون تأخير:
-طيب يا جماعة أنا حابب اعرفكم اننا اتصافينا ونرمين كمان عندها حاجه مهمة عايزه تقولها.
ترقب الجميع لما تريد قوله؛ فنظرت لأنس الذي ارتعد بداخله وهو لا يعلم ما يدور بخلدها وقالت بصوت قوي وواثق:
-عايزة اعتذر لأنس على الإتهام اللي قولته في حقه لأنه مش حقيقي.
ترقب وهو ينظر لها بتوتر وهي تضيف:
-انا قولت عليه إنه بيتحـ رش بيا والحقيقة ده مش مظبوط.
زمت والدته شفـ ـتيها وهي تنظر لها بغل وقبيل ان تهتف بتوبيخ أضافت اﻷولى:
-ﻷنه مش متحـ رش للحق يعني، هو واطي وزباله وبيدنس شرف اخوه بكل وقاحة.
قالت كلماتها بقوة وثقة وعلى دفعة واحدة جعلت الجميع يقف فورا من مكانهم وصرخت والدته توبخها، ولكنها لم تكن لتحيد بكلماتها ولا عينها عنه وقالت بثقة وجمود:
