الفصل الثالث من رواية ست الحسن الجزء الثاني للكاتبة امل نصر

نقلت نظرتها المشتعله ليه لثوانى وبعدين رجعلتها تانى وهى بتقول

هااا …وافجتى اساعدك ؟.. دا انا هاريحك خالص .

لا متشكره .. مش عايزه اتعبك.. سلام بقى .

قالتها بأسلوبها المستفز وبعدها مشيت تتمختر بخطوتها قدامهم .

ودى بتنظر لخطواتها ومياصتها ونفسها تولع فيها وبعدين وجهة نظره ناريه ل” عاصم ” ومشيت من قدامه من غير ولا كلمه .. نظر لها بحزن وهو بينده عليها

استنى يا” بدور ” بطلى عمايلك دى ..” بدور “!.

………………………….

وتحت العنبه .. بعد ما صفصفت عليهم ومابقاش حد تانى موجود معاهم … كان لسه مازال هو على جموده

نفخت ” نيره ” بضيق تقول

والله لو مش متحمل الجعده .. اجوم واسيبك .

برق لها بعنيه يقول بتهديد

طب جومى يا” نيره ” .. عشان تشوفى بعد كده اللى هايحصل معاكى !

ردت هى بسخربه

ياسلام .. هاتعمل معايا ايه تانى غير .. مش كفايه جلة التعبير اللى شايفاها منك فى ايه تانى كمان ؟

اخد نفس يهدى بيه نفسه وبعدين قال بعصبيه

بصراحه مخنوج من ساعة ما سمعت ان اللى اسمه ” وائل” كان جاعد معاكم جوا

نيره كمان بعصبيه

واه يا” حربى ” .. هو انا كنت جاعده معاه لوحدى .. دى الاوضه كانت ماليانه .. دى غير ان الموضوع كان على جوازه

اتكلم بطبيعته وهو بيعبر بأيديه

برضك ! .. انا كل ما افتكر انه باصلك جبل كده وعجبتيه .. نار تجيد فيا .

قلبها كان بيرقص من الفرحه .. لكنها سألت بتماسك .

يعنى انت بتغير عليا ياحربى ؟

نظر لها وقال بقوه

ايوه بغير عاجبك ولا لاه ؟!

ابتسمت برضا وسعاده

عجبنى جوى .

……………………….

وفى العربيه كان ببسوق وهو مكشر .. ومش مطلع صوت وهى شايفه كده ومستغربه سكوته وقلبته فجأه راحت سألاه

انت ساكت ليه يا” مدحت ” ؟ مش عوايدك يعنى !

نظر لها بطرف عينه بضيق وبعدين اتجه تانى للطريق ..من غير ماينطق .. استغربت اوى فبصتله بانتباه وقالت

الله … دا انت بينك زعلان صح بجى .. مش تخمين ؟

المره دى لف بدماغه كلها يقول بسخريه

لا وانتى ما شاء الله عليكى فى التخمين .. استاذه !

فتحت بقها باندهاش

دا احنا دخلنا فى التريقه كمان ! .. ما تجول يا” مدحت ” اللى بيك وبلاش تلجيح الكلام ده