الفصل الثالث من رواية ست الحسن الجزء الثاني للكاتبة امل نصر
الفصل الثالث من رواية ست الحسن الجزء الثاني
بعد ما خلصِت الجلسه مع ” ياسين” .. خرجوا البنات على الجنينه .. لقوا ” حربى ” و” مدحت ” قاعدين فى مكانهم المعتاد تحت شجرة العنب .. اول واحده وصلت كانت ” نيره ” اللى فوجئت بنظرة” حربى” ووشه اللى متغير ..ولكن بمجرد ما شافها ” مدحت ” سألها من قبل ما توصل عندهم .
نهال مجاتش معاكى ليه ؟
شاروت بأيديها تقولوا
اهى جايه ورايا .
وبعدها اللتفت ل”حربى ”
صباح الخير .. ازيك يا” حربى” ؟
زين والحمد لله .. ازيك انتى ؟!
قالها بوش جامد وهو بيسلم بأيده
لفت تقعد عالكنبه .. وهى بتسأله بصوت واطى
ايه مالك فى ايه؟
نظرلها مكشر ومانطقش كلمه .. نفخت بضيق من اسلوبه ولكن وصول البنات وقف الكلام على لسانها
وقف ” مدحت ” يسأل ” نهال ” .
اتأخرتوا ليه ؟
ابتسمت ” نهال ” و” بدور ” هى اللى ردت
اصل جدى كان عايزنا فى موضوع جواز !
مدحت وهو بيقعد والبنات يقعدوا كمان .
جواز مين ؟
نهال بمرح : جواز ” وائل” .. اصله شاف بنت فى الفرح امبارح عجبته ومعرفش هى مين ؟
حربى بضيقه
وانتو ايه دخلكم ؟ هو انتو اللى هاتخطبولوا
بدور بابتسامه
اصلوا شافها بتسلم علينا امبارح وبتضحك وتهزر معانا .. فجدى بعتلنا عشان نعرفها من المواصفات .
وعرفتوها ؟
قالها ” حربى ” بأسلوب ساخر .. فردت ” نيره” عليه.
لأ يا” حربى ” معرفنهاش .. بس جدى مشدد علينا نسأل ونشوف كل صحباتنا عشان نعرفها .
عوج زاوية بقه بعدم رضا وبعِد بنظره عنها .. ضايقها اكتر .. ومن الناحيه التانيه سألت ” بدور ”
امال ” عاصم “فين ؟
رد عليها حربى
عاصم راح يشوف الحصان عشان ياخدوا من ” رائف” .
طب انا رايحه اشوفه.
قالتها وهى بتقوم من مكانها وتمشى .. قام كمان ” مدحت ” يلم فى مفاتيحه ويمسك فونه
ياللا احنا كمان يا” نهال ” .. خلينا نمشى .
نهال برجاء
طب استنى شويه .. لسه الوجت بدرى .. دا احنا لسه معرفناش البنت !
مدحت بعصبيه
بعدين يا” نهال” الوجت اتأخر .. انتى عارفه الساعه كام دلوك .. بصى فى تليفونك وانتى تعرفى .
كشرت وهى بتمسك الفون مضطره تشوف الساعه .. لكن انها اتخضت من صرخة ” نيره” .
اه صح يا” نهال ” .. دى اكيد ” نوها ” صاحبتك ليها صور معاكى فى التلفون و…
