الفصل الاول من نوفيلا سطا العشق بقلم زكية محمد
الفصل الاولسطا العشق
سمعها عامر فهتف بمرح:- هجبهالك في التلغراف ولا تزعلي. بكفياكي حديت صدعتيني.
هتفت بحزن وحساسية:-حاضر يا عامر مش هتحدت وياك يا أخوي .
زفر بغيظ من حساسيتها المفرطة تلك تجاه الأمور وما إن سقط بصره علي نقطة ما أتته فكرة فإبتسم قائلا :- بت يا سماء إيه أكتر حاجة بتحبيها؟
هتفت بضيق :- مخبراش.
أردف بضحك :- يا بت مقصدش خلاص صدعي اللي جبوني ولا يهمك. بصي إهنكة إكدة.
نظرت لما يرمي إليه وسرعان ما إتسعت عيناها بفرح ثم لعقت شفتيها بتلذذ قائلة بتوسل وهي تسحبه من كم قميصه وكأنها طفلة صغيرة :- هاتلي مشبك يا عامر عاوزة مشبك كتير قوي قوي.
هتف بضحك :- طيب طيب يا مجنونة هجبلك.
قال ذلك ثم توجه للبائع وإبتاع كمية ليست بقليلة وغادرا وهي تحكم بقبضتها علي الكيس وكأن أحدا ما سيقوم بإنتزاعه منها.
أشار بيده لأحد من سائقي سيارات الأجرة فتوقفت واحدة وصعدا بها وأعطاه العنوان فإنطلق السائق بهما إلي وجهتهما.
بعد فترة توقف بهما في إحدي أحياء القاهرة المتحضرة فترجلا منها فتوجه عامر للبواب وهتف بهدوء :- السلام عليكم يا حج انا جاي من طرف الحج محمود الله يرحمه.
هتف بتذكر:- أيوة أيوة افتكرت الحج نعمان كلمني وفطمني علي كل حاجة خد مفتاح الشقة مترتبة ونضيفة زي البرلانت .
هتف بإبتسامة بسيطة :- تشكر يا حج .
تناول منه المفاتيح ثم صعدا للأعلي للشقة الخاصة بهم فدلفا سويا وضغط عامر علي زر الإضاءة وراحا يتأملانها بإنبهار فهتفت سماء بسعادة:-
الله شقة حلوة قوي يا عامر شرحة ويرمح فيها الخيل .(بقلم زكية محمد )
هتف بتأييد:- أيوة بسم الله ما شاء الله. ربنا يجعلها عامرة.
هتفت بمشاغبة:- عامرة وعامر هيعملوا قفلة يا أخوي.
هتف بغيظ:- ظريفة قوي يا بت. همي يلا رصي الخلقات جوة.
هتفت بتذمر:- بس ودي إنت الشنط جوة علشان تقيلة.
حملها بسهولة قائلا :- عارفك خرعة يا قزعة وميجيش منك.
هتفت بتذمر:- وانت طويل كيف العمود .
هتف بضحك:- ماشي عمود عمود بس يلا علشان اروح نجبلنا لقمة ناكلها.
أومأت له بهدوء ثم وضع الحقائب بالداخل ثم هتف بتحذير :- أنا نازل دلوك أوعاكي تفتحي الباب لحد لو خبط.
هتفت بموافقة :- ماشي يا أخوي.
توجه للخارج ثم توجهت هي لوضع الملابس
بعد لحظات عاد وابتاع العديد من الأشياء حيث فتح الباب قائلا بصياح :- بت يا سماء إنتي يا بت.
