الفصل الرابع و الثلاثون من رواية جراح الروح للكاتبة روز امين

أجابته بإبتسامة سعيدة ٠٠٠ وأنا مش عاوزه غير إني أكون معاك وبس يا سليم

☆☆☆☆***

رواية جراح الروح بقلمي روز آمين

داخل شقة محمد زوج نورهان

كان يجلس هو ووالدتهٌ يتناولون قدحين من القهوة قد صنعتهما والدته السيدة إمتثال

خرجت نورهان من غرفتها بهيئة مٌزريه ووجهٍ عابس وشعرٍ مٌشعث من عدم إهتمامها به،،حيث أنها مٌنذ واقعة الشركة وأفتضاح أمرها أمام زملائها ومديرها وقد تملكت منها حالة من عدم اللامبالاه بإتجاة الجميع وأصبحت لا تكترس لأي شيئ حتي لأناقتها وإهتمامها بنفسها كأنثي

وخصوصاً بعدما تقدمت للعمل بأكثر من شركة وجميعهم رفضوا تعيينها والسبب يرجع إلي إقالتها من شركة كبيرة ولها إسمٌ ضخم في مجال الإلكترونيات مثل شركتها السابقه،،،وهذا ما كان يٌريدهٌ سليم بالفعل حين إشترط الإقاله وليس الإستقاله

تحدثت نورهان بصوتٍ مٌتحشرج كسول ٠٠٠ صباح الخير

لوت إمتثال فاهها وتحدثت بنبرة ساخرة ٠٠٠ نامٌوسيتك كحلي يا برنسيسه ،،الساعه عدت من 12 وإنتِ لسه نايمه ولا ساءلة عن أي حاجه،،لا علي جوزك ولا بنتك ولا علي البيت،،

وأكملت بنبرة ساخرة ٠٠٠ أيه يا أختي ،، تكونيش فاكرة نفسك عايشه في لوكاندة ؟؟

تذمرت نورهان وتحدثت بضيق ٠٠٠ ولزمته أيه الكلام ده علي الصبح يا طنط،، ولا هي إسطوانة وبقا مقرر عليا أسمعها كل يوم ؟؟

ردت عليها إمتثال بحده ٠٠٠ وياريتها يا أختي جايبه معاكي نتيجه

وأكملت بنبرة جامده ٠٠٠ إسمعي يا بنت الناس،، أنا خلاص جبت أخري منك،،الأول كنت بستحمل أفعالك اللي تنقط علشان كنتي شغاله وبتساعدي في مصاريف البيت ،،لكن دلوقت بعد ما بقيتي قاعدة ولا شغله ولا مشغله أستحمل عمايلك دي ليه ؟؟

وأكملت بلهجه أمرة ٠٠٠ من بكرة تقومي بدري زي الستات اللي خلقها ربنا ما بتعمل،،تجهزي الفطار وتنضفي الشقه والمطبخ ،،مش تسيبي البيت بالمنظر ده لحد ما سيادتك تقومي براحتك،، وده أخر كلام عندي هقولهٌ لك

نظرت بغضبٍ إلي زوجها الصامت وتحدثت بحده ٠٠٠ إنتَ ساكت ليه يا محمد،،ولا تكونش موافق علي كلام مامتك ده ؟

أجابها ببرود وهو يحتسي قهوته ٠٠٠ أه يا نورهان موافق

واكمل بنبرة تهديديه ٠٠٠إسمعي يا بنت الناس ،،يا تنزلي تدوري علي شغل وترجعي تشتغلي تاني،، يا إما تنفذي كلام ماما بالحرف الواحد وبدون نقاش