قصة لؤم الاقارب كاملة للكاتبة زهرة الربيع

ميار اتنهدت و قالت ….طب وافرض..

عز قاطعها وقال بسرعه… مش هيحصل متاكد ان لازم هتحبيني لسببين الأول اني مش هيأس ومش هتراجع والسبب الثاني لان انا اصلا مزه واتحب بس ادي نفسك فرصه انتي بس

ميار ضحكت بخفه وبصتلو وقالت …. ربنا يعينك على نفسك انت مجنون وجايب التعب لنفسك والله ….طيب انا هروح اخذ شاور وننزل

عز ابتسم وهيه مشيت خطوات ناحيه الحمام بس التفتت له قبل ما تدخل وقالت…. عز

عز التفت لها وقال بابتسامه….قلبه

ميار عضت على شفتها بخجل وقالت ….على فكره انت ما كدبتش في السبب التاني انت فعلا تتحب

ودخلت على الحمام بسرعه وسابته واقف متجمد مكانه من السعاده وحاسس بامل كبير لمجرد كلمه بسيطه قالتها

ميار قفلت الباب واتنهدت وحطت ايدها على قلبها اللي بيدق بسرعه وهي مش عارفه قالت له كده ليه و بتوهم نفسها انه يستاهل لو جمله بسيطه تخفف عن قلبه بعد كل الوجع ده بس من جواها افكارها متلخبطه جدا

بعد شويه خرجت من الحمام لقيته بيتكلم في التليفون وبيقول بغضب ووووووو

بعد شويه خرجت من الحمام لقيته بيتكلم في التليفون وبيقول بغضب.. يعني ايه مش قادر يستحمل ده يادوب دخل امبارح …انا مش بقول لكم تظبطوه

وسمعو شويه وقال…طيب طيب خلاص رجعه … كده كده انتم موجودين في اي وقت امتى ما احب ابعته لكم هبعته

وقفل معاه

ميار قالت باستغراب….هو في ايه يا عز

عز التفت لها ولسه هيتكلم كانت لابس فستان رقيق جدا عليها اتنهد جامد وقال باعجاب واضح… في قمر على الارض انعكاس صورته على السما…. وكل البشر بخياله بس مغرمه

ميار ابتسمت بكسوف وقالت…. عز وبعدين انا كل ما اكلمك كلمتين هتقعد تقول لي شعر…. بجد في ايه

عز اتنهد وقال…. ابدا يا حبيبي حاجه مش مهمه ما تشغلش بالك بيها….البيه اللي كان جاي هنا فارد صدره ما ستحملش يوم واحد في النادي بيقولو بقا له ساعتين مغمى عليه وخايفينو يموت في ايديهم

ميار شهقت بخضه وقالت…. يا خبر

عز اتضايق وحاول ما يبينش وقال …ايه…. زعلتي عليه معقوله لسه بتخافي عليه

ميار اتنهدت وقالت….ابدا انا بس محبش اي حد يتاذي بسببي وبقت تلف الطرحه بتاعتها وكملت وقالت…. بس انا فاهمه مغزى سؤالك …اطمن انا شلت رامي من قلبي من وقت مجاش الفرح مش لاني انجرحت منه بس لاني كنت متردده اصلا في فكره جوازنا فحسيت زي ما يكون ربنا بيقول لي ده الاحسن ليكي