قصة بنت العم كاملة للكاتبة زهرة الربيع

دياب ضحك جامد وقال…ابن الوز عوام

وبالليل طلعو سوا وبقم يلفو على المحلات كانت شكلها قمر بالعبايه والطرحه واختارت هدوم حلوه جدا للبيت واختارت ادرسات طويله ومحتشمه قمر للخروج وحجابات وشنط وجزم وكل حاجه

دياب كان بيحاسب وبس وبعد كده دخلو القسم الحريمي الد،اخلي ودياب عمز لها وقال…ايوه كده هو ده المكان الي يدخل صوح…بصي اختاري وميهمكش

دلال ضحكت وقالت..احنا مش اتفقنا ولا ايه يا عمده

دياب قال..اتفقنا مين… انا معرفش حد بالاسم ده

دلال ضحكت واختارت كام حاجه حلوين وخرجو وهما مبسوطين وبيضحكو ووقفو يشربو عصير وهما بيتكلمو سوا وبيهزرو تحت انظار شخص كان في العربيه بيراقبهم وعمل تليفون وقال…ايوه يا ناصر بيه هما قدامي اها..متقلقش انهارده هخلصك منو

دياب لسه هيعدي الشارع هو ودلال اتفاجأ بالي ضرب عليهم نار وصابت دياب وقع على الارض سايح في د،مه

دلال صرخت برعب وقعدت جمبه وهيه بتصرخ جامد وتلطم وتبكي لحد ما صوتها كان هيروح

الناس اتلمت وبقم يحاولو يطمنوها او يهدوها بس هيه كانت بتصرخ باسمه وبس بهستريا زي المجنونه

دياب كان تعبان جدا وبينز،ف بس كان عايز يكلمها او يهديها لان حالتها كانت صعبه جدا

بعد ساعات وهما قدام اوضة العمليات وكانت روحيه وجمال هناك وخايفين جدا

روحيه بقت تبكي وتقول… يارب.. وانبي يارب انا مليش غيره وانبي يا رب …وكانت بتبكي هيه ودلال بشده

وجمال كان رايح جاي بقلق وهو بيقول.. الستر من عندك يا رب الستر من عندك

لحد ما خرج الدكتور وطمنهم ان الرصاصه جات بعيده من القلب شويه بسيطه وربنا ستر وقدرو يلحقوه ويوقفو النز،يف

كلهم بقو يحمدو ربنا وارتاحو شويه وكانو مستنينو يفوق ودلال كانت دموعها منشفتش وهيه بتبص لد،مه الي على اديها بدموع

روحيه قعدت جمبها لما شافت حالتها وقالت بدموع..متخافيش يا بتي دياب راجل …هيقوم وهيبقى زي الحصان..بس قولي يا رب

دلال اترمت بين اديها وبقت تبكي جامد وتقول يا رب يا رب

روحيه ابتسمت وسط دموعها وبصت لجمال بامتنان وقالت بدموع..عمك كان معاه حق…مهما كان فانتو دمكم واحد طالعه لامك يا نور عيني الله يرحمك يا منال

بعد ساعات عدت عليهم كأنها سنين فاق دياب ودخلو عندو وكانت دلال واقفه بتبصلو بدموع ومش بتتحرك وهو بيتكلم بالعافيه بس عنيه عليها